बजेटमा सहमति जुटाउन अर्थमन्त्रीले एमाले र काग्रेसका शिर्ष नेताहरुसँग छलफल गर्ने

७ असार २०६९, बिहीबार ०९:१० मा प्रकाशित

 

काठमाडौ, ७ जेठ । आगामी आर्थिक वर्षको बजेटमा सहमति जुटाउने प्रयासस्वरुप अर्थमन्त्री बर्षमान पुनले आज नेपाली काङ्ग्रेस र नेकपा एमालेका शीर्ष नेताहरुसँग छलफल गर्नुहुने भएको छ । संसद नरहेको अवस्थामा अध्यादेशबाटै बजेट ल्याउनुपर्ने वाध्यताकाबीच विपक्षी दलहरुको सहमति जुटाउन अर्थमन्त्रीले छलफल सुरु गर्नुभएको हो । अर्थमन्त्रीका स्वकीय सचिव डिपी ढकालका अनुसार आज अर्थमन्त्री पुनले नेपाली काङ्ग्रेस सभापति सुशील कोइराला र नेकपा एमाले अध्यक्ष झलनाथ खनालसँग छलफल गर्दै हुनुहुन्छ । छलफल विहान हुने भनिए पनि समयको टुङ्गो नलागेको ढकालले बताउनुभयो । राष्ट्रपति डा रामवरण यादवले यसअघिको भेटमा अर्थमन्त्रीलाई सबै दलको सहमतिमा बजेट ल्याउने वातावरण मिलाउन आग्रह गर्नुभएको थियो । आर्थिक बर्षको अन्त्य हुनै लाग्दा बजेट नल्याउँदा मुलुकको अर्थतन्त्रमा पर्ने नकारात्मक प्रभावका विषयमा अर्थमन्त्रीले विपक्षी दलका नेताहरुलाई विश्वासमा ल्याउने प्रयास गर्नुहुने बताइएको छ । विपक्षी दलहरुले भने राष्ट्रिय सहमतिको लागि प्रधानमन्त्रीले बाटो खुल्ला नगरेसम्म बजेटको बारेमा कुनै छलफल नहुने बताउँदै आएका छन् ।

प्रतिक्रिया
सम्बन्धित खवर

काठमाडौं । दार्चुलाको महाकाली नदीमा व्यास गाउँपालिका–२ का जयसिंह धामी बेपत्ता भएको घटनालाई लिएर युवा संघले काठमाडौंस्थित भारतीय राजदूतावासको कार्यालय

काठमाडौं । सरकारले कोभिड युनिफाइड केन्द्रीय अस्पताल(वीर)को प्रमुख प्रशासकीय अधिकारी प्रा.डा. जागेश्वर गौतमलाई हटाएको छ। स्वास्थ्य मन्त्रालयले सोमबार राज्यमन्त्रीस्तरीय निर्णय

काठमाडौं । मन्त्रिपरिषद् विस्तार र सरकारका न्युनतम साझा कार्यक्रम तय गर्न आज सत्ता गठबन्धनका शीर्ष नेताबीच छलफल हुँदैछ । नेकपा

कैलालीकी रुपकला विक बैंकमा कार्यरत कर्मचारी हुनुहुन्छ । उहाँको चार महिनाको बच्चा छ । सुत्केरी भएको दुई महिना बिदा सकेर