जनजाती नेताहरुको मागमा आज काङ्ग्रेस केन्द्रीय समितिमा छलफल हुने

७ असार २०६९, बिहीबार ०९:०९ मा प्रकाशित

काठमाडौ, ७ जेठ । समसामयिक राजनीतिक परिस्थितिको समीक्षा र पार्टी एकतापछिको रणनीति तय गर्ने बारेमा छलफल गर्न नेपाली काङ्ग्रेस केन्द्रीय समितिको बैठक आज पनि बोलाइएको छ । दिउँसो तीन बजेपछि पार्टी केन्द्रीय कार्यालय सानेपामा सुरु हुने बैठकमा आज विशेष गरेर आदीबासी जनजाती नेताहरुले सभापति सुशिल कोइरालालाई बुझाएको माग पत्रको विषयमा छलफल हुने छ । त्यसैगरी पार्टी विवाद मिलेपछि देशभरका जिल्ला नेता तथा कार्यकर्ताहरुको व्यवस्थापन र बिभिन्न सङ्घ, सङ्गठनको पुनर्गठन तथा नियुक्तिको बारेमा छलफल हुने नेता विमलेन्द्र निधीले जानकारी दिनुभयो । बोल्न बाँकी केन्द्रीय सदस्यहरुले आजको बैठकमा आफ्नो धारणा राख्नेछन् । संविधानसभाको विघटनपछिको राजनीतिक तथा संवैधानिक सङ्कटको निवारण गर्ने बारेमा पनि बैठकमा कुराकानी भइरहेको नेता निधीले बताउनुभयो । बैठकमा आआफ्नो धारणा राख्दै अधिकांश केन्द्रीय सदस्यहरुले सरकारविरुद्वको मोर्चाबन्दी र प्रमुख राजनीतिक शक्तिहरुबीचको छलफललाई सँगसँगै अघि बढाउनुपर्नेमा जोड दिने गरेका छन् । हिजोको बैठकमा सभापति सुशील कोइरालाले काङ्ग्रेसको अग्रसरतामा अहिले मुलुकमा देखिएको राजनीतिक र संवैधानिक सङ्कटको निकासको लागि पहल सुरु भएको र यसलाई निरन्तरता दिने जानकारी गराउनु भएको थियो ।

प्रतिक्रिया
सम्बन्धित खवर

काठमाडौँ । नेकपा एमालेका वरिष्ठ नेता एवं पूर्वप्रधानमन्त्री झलनाथ खनालको मिर्गौला प्रत्यारोपण सफल भएको छ । नयाँदिल्लीस्थित एपोलो अस्पतालमा नेता

काठमाडौं । सरकारको न्यूनतम साझा कार्यक्रमलाई टुङ्गो लगाउन आज बुधबार तेस्रोपटक बसेको सत्तारुढ गठबन्धन कार्यदलको बैठकले राष्ट्रिय योजना आयोगको समेत

काठमाडौं । नेकपा एमालेमा विवाद समाधानका लागि निरन्तर छलफल भइरहेको छ । विवाद समाधानका लागि पार्टी अध्यक्ष केपी शर्मा ओली

काठमाडौं । देशभित्र निर्माणाधीन अवस्थामा रहेका जलविद्युत् एवं प्रसारण लाइन आयोजनालाई समयमा पूरा गर्नेतर्फ ध्यान नदिइएको भन्दै सरकारले नेपाल विद्युत्