सहमतिको सरकार गठनपछि मात्रै अरु विकल्पमा प्रवेश गर्ने एमाले निष्कर्ष

६ असार २०६९, बुधबार १७:५९ मा प्रकाशित


काठमाडौ, ६ असार । नेकपा एमालेले तत्काल सहमतिको सरकार बनेपछि मात्रै राजन्रीतिक निकासको आधार तय हुने निष्कर्ष निकालेको छ । दुई दिन राजधानीमा चलेको राष्ट्रिय कार्यकर्ता भेलापछि आज पत्रकार सम्मेलन गर्दै एमाले अध्यक्ष झलनाथ खनालले सहमतिको सरकार नबनेसम्म अरु कुनै पनि निकासका विकल्पमा छलफल हुन नसक्ने बताउनुभयो । एमालेले सहमतिका आधारमा संयुक्त सरकार निर्माण गर्दै राजनीतिक र संवैधानिक सङ्कटको निकास खोज्न, पनि सबै दलहरुलाई आह्वान गरेको छ । पत्रकार सम्मेलनमा खनालले अहिलेको संकट एकीकृत माओवादी र मधेसवादी दलहरुका कारण आएको र जनजाति सभासदहरुको समुह ककस पनि जिम्मेवार भएको टिप्पणी गर्नुभयो । एमालेले भेलाबाट ८ बुँदे राजनीतिक प्रस्ताव र ९ बुँदे समसामियक प्रस्ताव पारित गरेको छ । राजनीतिक प्रस्तावमा माओवादी सर्वत्तावादका विरुद्ध आन्दोलन सशक्त बनाउने, मुलुकलाई थप मुठभेडमा जान नदिनका लागि बिथोलिएको सहमतिको सरकार गठन गर्न माओवादीलाई आग्रह गरिएको छ । त्यस्तै बहुजातीय, बहुभाषिक, बहुसाँस्कृतिक विशेषताका आधारमा पहिचान र सामथ्र्यको आधारमा नेपाली विशेषतासहितको संघीयताको ढांचामा पक्षमा उभिने पनि उल्लेख गरिएको छ । असन्तुष्ट जनजाती र मधेसी नेताहरुलाई मतहरूलाई विधिसम्मत ढङ्गले पार्टीमा राख्न, अन्तरपार्टी छलफलको प्रकृयामा सहभागी वन्न आग्रह गरेको छ । अध्यक्ष खनालले भेलामा सहभागि नभएको बारेमा जानकारी लिने पनि बताउनुभयो ।

प्रतिक्रिया
सम्बन्धित खवर

काठमाडौँ । नेपाली काँग्रेसको स्थानीय तह निर्वाचन केन्द्रीय परिचालन समितिले सिट संख्या बढाउन गठबन्धन आवश्यक भएको निष्कर्ष निकालेको छ ।

फर्डिनान्ड रोमुआल्डेज मार्कोस जुनियरले बिहीबार मनिला शहरमा हजारौं मानिसहरूका बीच फिलिपिन्सको १७ औं राष्ट्रपतिको रूपमा शपथ ग्रहण गरेका छन्। मार्कोस

एजेन्सी । दोस्रो विश्वयुद्धमा जापानी फौजलाई आच्छुआच्छु पारेर राष्ट्रपतिबाट सर्वोच्च पदक पाएका हर्शेल डब्ल्यू विलियम्सको ९८ वर्षको उमेरमा मृत्यु भएको

काठमाडौं । प्रधानमन्त्री शेरबहादुर देउवा पत्नी आरजु राणा देउवालाई कोरोनाभाइरस संक्रमण भएको छ । कोरोनाभाइरस संक्रमण भएपछि आरजु केही दिनयता