सहमतिको सरकार र बाधा अड्काउ फुकाउन छलफललाई निरन्तरता दिने दलहरुवीच सहमति

६ असार २०६९, बुधबार ०९:२६ मा प्रकाशित


काठमाडौ, ६ असार । मधेसी मोर्चासहित तीन प्रमुख दलका शिर्ष नेताहरु सहमतिको राष्ट्रिय सरकार गठन गरेर अहिले देखिएका सबैधानिक र राजनैतिक जटिलता अन्त्य गरेर मुलुकलाई निकास दिन छलफललाई निरन्तरता दिने सहमति भएको छ ।
नेपाली काग्रेसको आब्हानमा पार्टी मुख्यालय सानेपामा बसेको शिर्ष बैठकले दलहरुवीचको सहमतिमा शान्ति र संविधान निर्माणको काम अगाडि बढाउनुको विकल्प नरहेको ठहर गर्दै सहमतिकोलागी छलफललाई निरन्तरता दिने सहमति गरेको हो ।
बैठकमा माओवादी अध्यक्ष पुष्पकमल दाहालले दलहरुवीच लामो समयदेखि सम्बादहिनताको अवस्थाले मुलुकमा जटिलता बढाएको बेला काग्रेसको पहलमा सम्बाद सुरु भएकोमा काग्रेसलाई धन्यबाद दिएका थिए । उनले काग्रेसको पहलमा दलहरुवीचको सम्बादको आईसब्रेक भएको भन्दै यसलाई निरन्तरता दिएर मुलुकलाई अगाडि बढाउनु पर्ने धारणा राखेका थिए । उनले सहमतिको विकल्प नभएको भन्दै संविधानसभाका उपलब्धिहरुलाई टेकेर सहमतिको प्रयास गरिनु पर्नेमा जोड दिएका थिए ।
बैठकमा काग्रेस सभापति सुशिल कोइराला, रामचन्द्र पौडेल, एमाले अध्यक्ष झलनाथ खनाल , माधवकुमार नेपाल, माओवादी अध्यक्ष पुष्पकमल दाहाल, फोरम लोकतान्त्रिकका अध्यक्ष विजयकुमार गच्छदार र तमलोपाका अध्यक्ष महन्थ ठाकुरको सहभागिता रहेको थियो ।

प्रतिक्रिया
सम्बन्धित खवर

लुम्बिनीका प्रदेश प्रमुख अमिक शेरचनले प्रदेशसभा बैठक आह्वान गर्नुभएको छ । साउन २७ गते १: ०० बजे प्रदेश प्रमुखबाट प्रदेशसभाको

कोरोना भाइरसको सङ्क्रमण आज एकै दिन तीन हजार ९३८ जनामा देखिएको छ । स्वास्थ्य तथा जनसङ्ख्या मन्त्रालयले सार्वजनिक गरेको तथ्याङ्कअनुसार

हुम्ला । मुगु र हुम्ला जिल्ला जोड्ने लिंक रोड निर्माण गरे पनि कर्णाली नदीमा पुल निर्माणमा ढिलाइ भएको छ ।

काठमाडौं । तीन साता बितिसक्दा पनि प्रधानमन्त्री शेरबहादुर देउवाले मन्त्रिपरिषदलाई पूर्णता दिन सकेका छैन । मन्त्रालयको टुंगो लाग्नु त परैजाओस्