घुम्ने बानी बस्यो रेजिनालाई

६ असार २०६९, बुधबार ०५:१३ मा प्रकाशित

काठमाडौं । दुई महिना युरोप यात्रा गरेपछि नायिका रेजिना उप्रेतीलाई घुम्ने बानी लाग्यो रे । उनी ३२ जेठमा नेपाल फर्किएकी हुन् । यसअघि लामो यात्रा नगरेकी रेजिनालाई १५ घण्टासम्म लगातार रेलमा गुड्दा निकै आनन्द र अनौठो लाग्यो रे । ‘त्यति लामो यात्रा गर्दा पनि म थाकिन,’ उनले भनिन्, ‘हरेक क्षण रमाइला थिए ।’

उनी र प्रदीप बम्बजन युरोपस्थित गैरआवासीय नेपालीले आयोजना गरेको युरोप डान्स कम्पीटिसनको जज बनेर युरोप पुगेका हुन् । कार्यक्रम सकिएपछि रेजिना बेल्जियम, जर्मनी, नेदरल्याण्ड, फ्रान्स लगायतका देशमा आयोजित स्टेज कार्यत्रममा सहभागी भइन् । युरोपस्थित गैरआवासीय नेपालीहरुले नेपाली कलालाई ठूलो सम्मान गर्ने गरेकेा समेत उनको अनुभव छ । त्यही भएर नेपाली फिल्मलाई युरोपका विभिन्न ठाउँमा नियमित प्रदर्शन गर्ने वातावरण बनाउन आफूले आग्रह गरेको समेत रेजिनाले बताइन् । ‘उहाँहरु यसप्रति निकै सकारात्मक हुनुहुन्छ,’ उनले भनिन् । यसअघि उनी लन्डन र स्कटल्याण्ड छोटो अवधिको लागि पुगेकी थिइन् ।

दुई महिनाको यात्राले आफ्नो फिल्म ‘वरदान’को रिलिज डेटमा भने अफ्ठेरो परेको उनको भनाइ छ । प्रमिला श्रेष्ठसँगको संयुक्त लगानीमा बनाएको ‘वरदान’को रिलिज डेट फिक्स गर्न आफूलाई निकै आतुरी परेको रेजिनाको भनाइ छ । केही फिल्मबाट अभिनयको लागि प्रस्ताव आएपनि ‘वरदान’को समस्या सल्टाएपछि मात्रै नयाँ प्रोजेक्ट गर्ने उनले बताएकी छिन् । कुमार विष्टको फिल्म खेल्ने संभावना बढी रहेको समेत उनले खुलासा गरिन् । ‘समय मिलेर कथावस्तु मन पर्‍यो भने उहाँको फिल्म गर्छु,’ रेजिनाले भनिन् ।
Source: Film Nepal.com

प्रतिक्रिया
सम्बन्धित खवर

पोखरा । कल्याण शेरचन स्मृति प्रतिष्ठानद्वारा पोखरामा आयोजित राष्ट्रिय खुला दोहोरी गीत प्रतियोगिताको उपाधि नगरकोट दोहोरी साँझ काठमाडौँले हात पारेको

कास्की । कास्कीको पोखरामा आजदेखि सर्वाधिक पुरस्कार राशि भएको राष्ट्रिय खुला दोहोरी गीत प्रतियोगिता हुने भएको छ । ‘लोकसंस्कृति जोगाऔँ,

काठमाडौं । चर्चित रियालिटी टिभी शो ‘बिग बोस’ मा देखिएकी एक अभिनेत्रीले बोल्डनेसमा बलिउडका ठूला अभिनेत्रीहरुलाई पछि पारेकी छिन् ।

काठमाडौं । नायिका नम्रता मल्ल अहिले इन्टरनेटमा निकै चर्चामा आएकी छिन् । ‘हट एण्ड सेक्सी’ अवतारमा उनी सामाजिक सञ्जालमा छरपष्ट