सशस्त्र प्रहरी बल साँफेबगरमा झडापखाला फैलियो, ८२ प्रहरी जवान विरामी

५ असार २०६९, मंगलवार ०९:४१ मा प्रकाशित

अछाम, ५ असार । अछाम जिल्लाको साँफेबगरमा रहेको सशस्त्र प्रहरी बल खप्तड गुल्ममा झाडापखाला फैलिएपछि ८२ जना बिरामी भएका छन् । गुल्मका प्रहरी जवानहरुमा झाडापखाला महामारीको रुपमा फैलिएको गुल्म प्रमुख प्रहरी नायब उपरिक्षक बेनुप्रसाद पाठकले बताउनुभयो । आईतवार बेलुकी खाना खाई सुतेका जवानमा एक्कासी राति १२ बजे झाडापखालाको लक्षण देखा परेको बताईएको छ । विरामीको वयालपाटा अस्पतालमा उपचार भैरहेको छ । गुल्मका ८२ जना बिरामी भएका र त्यसमध्ये ५२ जना उपचारपछि फर्किएका गुल्मले जनाएको छ । बाँकी ३० जनाको अस्पतालमै उपचार भैरहेको बयालपाटा अस्पतालले जनाएको छ । झाडापखाला फैलिनुको एकिन कारण थाहा हुन नसके पनि पानीको कारणले झाडापखाला पैmलिएको हुन सक्ने गुल्मले जनाएको छ । अस्पतालमा एक्कासी बिरामी बढेपछि जिल्ला अस्पताल मंगलसैनबाट औषधि लिई उपचार गरीएको जिल्ला स्वास्थ्य प्रमुख डा. राम बहादुर केसीले बताउनुभयो ।

प्रतिक्रिया
सम्बन्धित खवर

काठमाडौँ । नेपाली काँग्रेसको स्थानीय तह निर्वाचन केन्द्रीय परिचालन समितिले सिट संख्या बढाउन गठबन्धन आवश्यक भएको निष्कर्ष निकालेको छ ।

फर्डिनान्ड रोमुआल्डेज मार्कोस जुनियरले बिहीबार मनिला शहरमा हजारौं मानिसहरूका बीच फिलिपिन्सको १७ औं राष्ट्रपतिको रूपमा शपथ ग्रहण गरेका छन्। मार्कोस

एजेन्सी । दोस्रो विश्वयुद्धमा जापानी फौजलाई आच्छुआच्छु पारेर राष्ट्रपतिबाट सर्वोच्च पदक पाएका हर्शेल डब्ल्यू विलियम्सको ९८ वर्षको उमेरमा मृत्यु भएको

काठमाडौं । प्रधानमन्त्री शेरबहादुर देउवा पत्नी आरजु राणा देउवालाई कोरोनाभाइरस संक्रमण भएको छ । कोरोनाभाइरस संक्रमण भएपछि आरजु केही दिनयता