English
Immigration
१७ असार २०७२, बिहीबार २२:१० मा प्रकाशित
काठमाडौँ, १७ असार । धान दिवसका अवसरमा काठमाडौँको मूलपानीमा आयोजित रोपाइँ कार्यक्रममा सहभागी हुने क्रममा महिलामाथि दुर्व्यवहार गरेको आरोपमा विवादमा आउनुभएका कृषिमन्त्री हरिप्रसाद पराजुलीले अन्ततः पदबाट राजीनामा दिएका छन् ।
पराजुलीले बिहीबार बिहान एमाले अध्यक्ष केपी शर्मा ओली निवास बालकोट पुगेर राजीनामा बुझाएपछि प्रधानमन्त्रीलाई राजीनामा बुझाएका हुन् ।
संसद्, समाजिक सञ्जालदेखि सर्वसाधारण र सडकमा समेत मन्त्री पराजुलीका गतिविधिप्रति चर्को अलोचना भएपछि पार्टीेगत रूपमा नै कृषिमन्त्री पराजुलीलाई राजीनामा दिन दबाब सिर्जना भएको थियो ।
मन्त्री पराजुलीले भने वदनियत राखेर आफूले दुर्व्यवहार नगरेको दावी गरे पनि आफ्नै पार्टी र महिला अधिकारकर्मीेको समेत चर्काे दबाब र आलोचनापछि उनले पदबाट राजीनामा दिएका हुन् ।
