नुवाकोटका दुईसय ८८ परिवार पहिरोको जोखिममा

१२ असार २०७२, शनिबार ११:३३ मा प्रकाशित

नुवाकोट, १२ असार । नुवाकोटको निर्वाचन क्षेत्र नं ३ गत वैशाख १२ गतेको विनाशकारी भूकम्पको कारण २८८ परिवार पहिरोको उच्च जोखिममा रहेको छ । एक नगरपालिका र १८ गाविस रहेको क्षेत्र नं ३ मा भूगर्भविद्, इन्जिनियरसहितको दुई टोलीले स्थलगत अध्ययन गरी १४ गाविसको १८ स्थान असुरक्षित रहेको जनाएको छ । असुरक्षित स्थानको बस्तीलाई तत्काल स्थानान्तरण गर्न टोलीले जिल्ला दैवीप्रकोप उद्धार समितिमा सिफारिस गरेको छ ।

अनुगमन टोलीमा जिल्ला भू संरक्षण कार्यालय नुवाकोटका प्रमुख श्यामसुन्दर श्रेष्ठ र जल उत्पन्न प्रकोप शव डिभिजन कार्यालयका प्रमुख हरि गुरागाई संयोजक रहेको पाँच÷पाँच जना सहभागी थिए । टोलीले बुझाएको प्रतिवेदनमा फिकुरी गाविस वडा–७ र ९ का ९७ घर पहिरोको जोखिममा रहेको र गाउँको माथिल्लो भागमा रहेको ढुङ्गा खसेर घरसहित टेलिकमको रिपिटर टावर, सिँचाइ कुलो र खेतीयोग्य जमिनमा क्षति पु¥याउन सक्ने उल्लेख गरिएको छ ।

यस्तै दाङसिङ गाविसमा दुई घर, देउराली गाविस–१ मा १४ घर, सोही ठाउँको पोलोचेमा १४ घर, आर्तामा १३ घर, सोही ठाउँको लामडाडाँमा सात घर, देउरालीकै–९ मा १५ घर, किम्ताङको नाङगाङ चलायमानमा २२ घर पहिरोको जोखिममा रहेको प्रतिवेदनमा उल्लेख छ ।

किम्ताङ गाविस–८ कै चुङ्गाङटोलमा २५ घर, मनकामना गाविस–८ को अर्चलेमा १४ घर, भाल्चे गाविसको भाल्चेवेसीमा १२ घर, काहुले गाविस ढोङचेतमा दुई घर, काहुलेकै मानेर्गेर्सामा दुई विद्यालय र नौ वटा घर र थप सात घर पहिरोको जोखिममा रहेका छन् ।

बर्खा लागिसकेकाले जोखिमयुक्त बस्तीलाई सुरक्षितस्थानमा स्थानान्तरण गर्न सरकारले ध्यान दिनुपर्ने जिल्ला भूसंरक्षण कार्यालयका प्रमुख श्यामसुन्दर श्रेष्ठले बताउनुभयो । क्षतिलाई कम गर्न कतिपय स्थानमा भूकम्पले हल्लिएको ठूला ढुङ्गाहरू विस्फोट गराउनसमेत उहाँले सुझाव दिनुभयो ।

क्षेत्र नं ३ को जोखिमयुक्त बस्तीको अनुगमन गरेपनि क्षेत्र नं १ र २ मा भने अझै हुन सकेको छैन । भूकम्पको कारण चर्केको जमिनको विज्ञबाट अनुगमन गराउन स्थानीयको निवेदन जिल्ला दैवीप्रकोप समितिमा आइरहेकाले सोही निवेदनको आधारमा टोली खटाउने योजना रहेको सहायक प्रमुख जिल्ला अधिकारी खगेन्द्र घिमिरेले बताउनुभयो । रासस

प्रतिक्रिया
सम्बन्धित खवर

काठमाडौं । जनता समाजवादी पार्टीले जसपाले संसदीय दलको बैठक बोलाएको छ । मंगलबार बोलाइएको बैठकमा प्रतिनिधिसभामा पार्टीको भूमिका र पछिल्लो

ओछ्यानमै सुतिरहेको अवस्थामा अज्ञात समूहद्वारा १५ दिन पहिले बेपत्ता पारिएका पिपरा गाउँपालिका– ५ सहोडवाका वृद्ध दम्पती अझै फेला परेका छैनन्

काठमाडौं । निर्वाचन आयोगमा सरिता तिवारीको अध्यक्षतामा दर्ता भएको नेकपा एमालेले बैठक बोलाएको छ । सर्वोच्च अदालतले नेकपालाई पार्टी एकीकरणको

आफन्तसँग ढाँटेर रु एक लाख ऋण लिएर व्यवसाय शुरु गरेका एक युवा १५ वर्षमा ११ होटल र रेष्टुराँको मालिक बनेका