ताप्लेजुङको पहिरोमा पुरिएर ५३ को मृत्यु

२८ जेष्ठ २०७२, बिहीबार २१:३१ मा प्रकाशित

पाँचथर, २८ जेठ । अविरल वर्षाका कारण पहिरो जाँदा ताप्लेजुङमा ज्यान गुमाउनेको सङ्ख्या ५३ पुगेको छ । १२ जना गम्भीर घाइते भएका छन् भने अरु केही हराइरहेका छन् ।

अहिलेसम्म ज्यान गुमाएका पाँच जनाको मात्र सनाखत भएको प्रहरीले जनाएको छ । प्रहरीका अनुसार लिङतेपका चमेली लिम्बू र मनमाया लिम्बु, लिवाङका देबेन्द्र लिवाङ, खोक्लिङका सविन मादेन र बसन्त बिकको सनाखत भएको हो ।

जिल्लाको पश्चिमी गाविस थिङलाबु–६ बाट अहिले सम्ममा १२ जनाको शव निकालिएको छ । बुधबार रातिदेखिको अविरल बर्षापछि आएको बाढी र पहिरोमा परेकाहरुको उद्धारको काम भइरहेको छ ।

यी गाविसबाट अझै केही स्थानीय सम्पर्कमा नआएकाले ज्यान गुमाउनेको सङ्ख्या अझै बढ्ने प्रहरीले अनुमान गरेको छ । खामलुङ गाविसका केही वडामा पनि पहिरो गएको छ । अहिले पनि पानी परिरहेकाले खोल्सा तथा खोला बढेका कारण उद्धारमा समेत कठिनाई भएको जिल्ला प्रहरी कार्यालय ताप्लेजुङले जनाएको छ ।

थिङलाबुमा पुग्ने मौवाखोलाको पुलहरु बगाएपछि प्रहरी प्रशासनसमेत त्यस क्षेत्रमा अहिलेसम्म पुग्न नसकेको प्रहरीले बताएको छ । यस्तै ताप्लेजुङको म्याङखामा पनि पहिरो जाँदा मेची राजमार्ग अवरुद्ध भएको छ । पहिरो गएपछि यात्रु अलपत्र परेका छन् । रासस

प्रतिक्रिया
सम्बन्धित खवर

काठमाडौं । पूर्वमन्त्री कुबेर शर्माको निधन भएको छ । २०५९ सालमा पर्यटनमन्त्री भएका शर्माको ८४ वर्षको उमेरमा शुक्रबार काठमाडौंमा निधन

काठमाडौं । सरकारले फागुन २३ गते प्रतिनिधिसभाको बैठक बोलाउन सिफारिस गर्ने निर्णय गरेको छ । प्रधानमन्त्री निवास बालुवाटारमा शुक्रबार साँझ

काठमाडौं । प्रधानमन्त्री तथा नेकपा संसदीय दलका नेता केपी शर्मा ओलीले दलको प्रमुख सचेतकमा विशाल भट्टराईलाई नियुक्त गरेका छन् ।

काठमाडौं । सत्तारुढ दलभित्र खटपट चरमोत्सर्गमा पुगेका बेला सरकारले ठूलो संख्या प्रमुख जिल्ला अधिकारी (प्रजिअ) सरुवा गरेको छ । गृह