एनआरएन अमेरिकाको विवाद थप जटिल बनाउदै सोनाम लामा

२७ जेष्ठ २०७२, बुधबार २३:१४ मा प्रकाशित

काठमाडौं,  २८ जेठ । गैर आवासीय नेपाली संघ अमेरिको विवाद थप चुलिएको छ । संघको विवादका सम्बन्धमा रिपोट संकलन गरी केन्द्रमा पठाउन अमेरिका क्षेत्रीय संयोजक सोनाम लामालाई अधिकार दिइएको थियो । संयोजक लामाले चुनावमा धाँधली भएको निष्कर्ष निकालेका छन् । यो उनलाई दिइएको अधिकार क्षेत्रभन्दा बाहिर गएर निष्कर्ष निकालेको कतिपयको बुझाइ छ ।
सामान्यतय यस्ता छानविन गोप्य हुनुपर्ने अन्तर्राष्ट्रिय मान्यता छ । तर यो मान्यता विपरित लामाले ब्यक्तिगत विवरणसमेत सार्वजानिक गरेका छन् । लामाले ‘मंगलवार जारी गरेको बक्तब्यमा एउटै आईपीबाट ६ वटाभन्दा धेरै मतदान भएका कागजात समेटिएका छन् । ६ वटा भन्दा धेरै मतपत्र एउटै खामभित्र आएको सन्दर्भमा त्यस्ता मतपत्रहरु रद्द गरिएको थियो । त्यस्ता मत गणना गरिएको थिएन । तर एउटै आईपीबाट ६ वटाभन्दा धेरै मतदान भएका र त्यसलाई मान्यता दिइएका कागजातहरु उजुरीकर्ताले पेश गरेका छन्’ भनी गोपनीयतासमेत भङ्ग गरिएको छ ।
उनले एउटै क्रेडिट कार्ड प्रयोग गरी ६ सय २३ जनालाई एनआरएन अमेरिकाको साधारण सदस्य बनाइएको र त्यसबापत एउटै क्रेडिट कार्डबाट ६ हजार २ सय ३० डलर तिरेको प्रमाण उजुरीकर्ताले पेश गरेका छन् ।
एउटै क्रेडिट कार्ड प्रयोग गरेर अरुलाई पनि यसरी थानका थान सदस्य बनाएको उजुरीकर्ताको दावी छ । तर थप कागजात प्राप्त भएको छैन । एउटै क्रेडिट कार्डबाट ६ सय २३ जनालाई सदस्य बनाइएको बैंकको कागजात सार्वजानिक गरिदिएका छन् ।
लामाको बक्तब्यमा उजुरीकर्ताको हवाल दिदै एनआरएन अमेरिकाको निर्वाचनमा पूर्णरुपमा धँधाली भएको भनि फैसला सुनाउने कुचेष्ट गरेको देखिन्छ । लामाले डा. पौडेलविरुद्ध राजनीतिक आस्थाका आधारमा प्रतिशोध लिन लागेको कतिपय अमेरिकाबासी एनआरएनको बुझाई छ । उनी नेकपा एमालेका कार्यकर्ता भएको बुझिएको छ ।
गैरआवासीय नेपाली संघलाई प्रतिवेदन पठाउनुको सट्टा लामाले मिडियामार्फत् प्रतिवेदन सार्वजनिक गरेका हुन् । उनले घुमाउरो पारामा अध्यक्ष केशव पौडेलको बर्खातीका लागि स्थानीय अदालतमा जाने धम्की समेत दिएका छन् । वक्तब्यमा आईसीसीले पनि छानविनका लागि पहल नगरेमा उजुरीकर्ता न्यायका लागि अमेरिकी अदालतमा जाने अवस्था सिर्जना भएको हुँदा एनआरएन संस्थालाई अदालतसम्म पुग्न नदिन समस्या समाधानका लागि पहल गरिएको हो उल्लेख छ ।
संस्थाको गरिमालाई बचाउनका लागि र भविष्यमा यस्ता विवाद आउने अवस्था नै सिर्जना नहोस् भनी सबै पक्षलाई समेटी एनआरएन अमेरिकालाई अझ बलियो बनाउने उद्देश्यका साथ छानविनको प्रक्रिया अगाडि बढाइएको उल्लेख छ ।
क्षेत्रीय संयोजक लामाले तयार पारेको छानविन प्रतिवेदन जस्ताको त्यस्तै
उपरोक्त विषयमा एनआरएन एनसीसी अमेरिकाको चुनावमा पारदर्शिताका सम्बन्धमा एनआरएन आईसीसीमा परेको उजुरीपछि एनआरएन आईसीसीले छानविनका लागि अमेरिका क्षेत्रका लागि आरसी नवराज गुरुङ र म डीआरसी सोनाम लामालाई जुन ८ , २०१५ मा जिम्मेबारी दिएकोमा त्यसै अनुशार छानविनको प्रकृया अगाडि बढाइएको र त्यसै क्रममा एनआरएन अमेरिकाको वर्तमान कार्यसमितिलाई कुनै कामकारवाही अगाडि नबढाउन निर्देशन दिइएकोमा यसबारेमा विभिन्न संचारमाध्यममा आएका समाचार र टिकाटिप्पणीबारे ध्यानाकर्षण भएको छ । छानविनबारे फैलाइएका विभिन्न भ्रमहरु निवारणका लागि र छानविनबारे अहिलेसम्मको अवस्थाबारे स्पष्ट पार्न यो वक्तब्य जारी गरिएको छ ।
१. छानविनको थप प्रकृया अगाडि बढाउनका लागि निकट भविश्यमा आवश्यकता अनुशार छानविन कमिटि गठन गर्ने योजनासहित छानविनको प्रकृया सहज बनाउन र छानविनको प्रकृया प्रभावित हुन नदिन एनआरएन अमेरिकाको वर्तमान कार्यसमितिलाई कुनै कामकारवाही नगर्न जानकारी दिइएको छ । एनआरएन अमेरिकाको कार्यसमितिकै विघटन वा सम्पूर्ण कार्यसमितिलाई खारेज वा निलम्बन गरिएको नभई कार्यसमितिलाई औपचारिक कामकारवाही रोक्नमात्र निर्देश गरिएको हो ।
२. एनआरएन एनसीसी अमेरिकाको चुनावमा पारदर्शिताका सम्बन्धमा प्रश्न उठाउदै एनआरएन आईसीसीमा परेको उजुरीपछि उजुरीकर्ताले थप प्रमाणहरु पेश गरेका छन् । थप प्रमाणमा एउटै आईपीबाट ६ वटाभन्दा धेरै मतदान भएका कागजातहरु समेटिएका छन् । ६ वटा भन्दा धेरै मतपत्रहरु एउटै खामभित्र आएको सन्दर्भमा त्यस्ता मतपत्रहरु रद्द गरिएको थियो, गणना गरिएको थिएन । तर एउटै आईपीबाट ६ वटाभन्दा धेरै मतदान भएका र त्यसलाई मान्यता दिइएका कागजातहरु उजुरीकर्ताले पेश गरेका छन् । कागजात यसैसाथ संलग्न छ ।
३. एउटै क्रेडिट कार्ड प्रयोग गरी ६ सय २३ जनालाई एनआरएन अमेरिकाको साधारण सदस्य बनाइएको र त्यसबापत एउटै क्रेडिट कार्डबाट ६ हजार २ सय ३० डलर तिरिएको प्रमाण उजुरीकर्ताले पेश गरेका छन् । एउटै क्रेडिट कार्ड प्रयोग गरेर अरुलाई पनि यसरी थानका थान सदस्य बनाएको उजुरीकर्ताको दावी छ । तर थप कागजात प्राप्त भएको छैन । एउटै क्रेडिट कार्डबाट ६ सय २३ जनालाई सदस्य बनाइएको बैंकको कागजात यसैसाथ संलग्न छ ।
४. पाँच सय ७ जना मतदाताहरुका तर्फबाट अध्यक्षमा केशव पौडेललाईमात्र मतदान गरिएको छ । अन्य पदमा उठेका कुनैपनि उम्मेदवारहरुलाई मतदान गरिएको छैन । यसरी अन्यपदमा उठेका कुनै पनि उम्मेदवारहरुलाई मतदान नगरी अध्यक्षमा केशव पौडेललाई मात्र मतदान गरिनु शंकास्पद भएको भन्दै उजुरीकर्ताहरुले छानविनको माग गरेका छन् । नक्कली मतदाता बनाएर उनीहरुका नाममा अरुले नै केशव पौडेलका लागि मतदान गरेको उजुरीकर्ताको दावी छ । तर त्यसबारे उजुरीकर्ताको थप प्रमाण प्राप्त भएको छैन । अध्यक्षमा केशव पौडेललाई मात्र ५ सय ७ जनालाई मतदान गरिएको कागजात यसैसाथ संलग्न छ ।
५. एउटाको भोट अर्कैले हालिदिएको सम्बन्धमा मतदाताहरुले नै कम्प्लेन गरेका छन् । क्यालिफोर्नियाका एकजना मतदाताले आफ्नो मत अरु कसैले न्युयोर्कबाट हालिदिएको उजुरी गरेका छन् भने कनेक्टिकटका अर्का मतदाताको उजुरी पनि यस्तै खालको छ । यस्ता मतदाताहरु धेरै भएको उजुरीकर्ताको दावी छ । यस सम्बन्धि कागजात यसैसाथ संलग्न छ ।
६. उजुरीकर्ताले यसअगाडि नै छानविनको माग गर्दै निर्वाचनकै बेलादेखि निर्वाचन आयोग लगायत सम्बन्धित निकायमा उजुरी गरेका थिए । तर त्यसबारे छानविन गरी हालसम्म कुनै जानकारी नदिएको हुनाले उनीहरुले आईसीसी समक्ष उजुरी दिएको जानकारी दिएका छन् । यसबारे उजुरीकर्ताहरुले निर्वाचन आयोग, त्यसलगत्तै कानुन व्यवसायीमार्फत निर्वाचन आयुक्तलाई लेखिएको पत्र, त्यसपछिका अन्य उजुरीका कागजात यसैसाथ संलग्न छन् ।
७. आईसीसीले पनि छानविनका लागि पहल नगरेमा उजुरीकर्ताहरु न्यायका लागि
अमेरिकी अदालतमा जाने अवस्था सृजना भएको हुँदा एनआरएन संस्थालाई अदालतसम्म पुग्न नदिन समस्या समाधानका लागि पहल गरिएको हो । संस्थाको गरिमालाई बचाउनका लागि र भविश्यमा यस्ता विवादहरु आउने अवस्था नै सृजना नहोस् भनी सबै पक्षलाई समेटी एनआरएन अमेरिकालाई अझ बलियो बनाउने उद्देश्यका साथ छानविनको प्रकृया अगाडि बढाइएको हो । यसका लागि पुन एनआरएन अमेरिकाका वर्तमान कार्यसमितिबाट कुनै पनि कामकाज नगरी छानविन प्रकृयामा सहयोग हुने अपेक्षा गर्दछु । साथै सम्पूर्ण सरोकारवालाहरुसँग सल्लाह सुझाव लिदै र समन्वय कायम गर्दै छानविनलाई निष्कर्षमा पुर्याउनका लागि अगाडि बढ्ने प्रतिबद्धता व्यक्त गर्दछु ।
पदीयमर्यादा र अन्तराष्ट्रिय मान्यता विपरीत सोनाम लामाले सार्वजानिक गरेका ब्यक्तिग बिवरण सम्बन्धित ब्यक्तिको अनुमति बिना सार्वजानिक गर्नु अन्तराष्ट्रिय कानून विपरित अपराध मानिन्छ ।

प्रतिक्रिया
सम्बन्धित खवर

डोटी । जिल्लामा एघार प्रतिशत किशोरी उमेर नपुग्दै गर्भवती हुने गरेको पाइएको छ । जिल्ला स्वास्थ्य कार्यालयको तत्थ्याङ्कअनुसार जिल्लाभरका स्वास्थ्य

काठमाडौं । प्रधानमन्त्री केपी शर्मा ओलीले सोमबार पोखरामा गण्डकी प्रदेशस्तरीय कार्यकर्ता भेलालाई सम्बोधन गर्नुहुने भएको छ । पार्टीको प्रदेश कमिटीले

काठमाडौ । न्यायाधीशकी श्रीमती ब्राउन सुगरसहित पक्राउ परेकी छिन् । उच्च अदालत सुर्खेतका न्यायाधीश मदन पोखरेलको श्रीमती तुलसीपुर उपमहानगरपालिका–५ निवासी

काठमाडौं । विशिष्ट व्यक्तिका मुहारलाई क्यान्भासमा सजाउने दोस्रो संस्करणको पहिलो अवसर गैरआवासीय नेपाली सङ्घ (एनआरएनए)का पूर्वअध्यक्ष जीवा लामिछानेलाई जु¥यो ।