राष्ट्रपतिद्धारा सम्पत्ति सुद्धिकरण सहितका दुई विवादि अध्यादेश जारी

काठमाडौ, ३ असार । राष्ट्रपति डा रामबरण यादवले सरकारले पेश गरेको सम्पत्ति सुद्धिकरणसहित दुई वटा अध्यादेश जारी गरेका छन् ।
राष्ट्रपतिले आज सम्पत्ति सुद्धिकरण सहित पारस्परिक कानूनी सहायता सम्बन्धीत अध्यादेश अनुमोदन गरी जारी गरेका हुन ।
हिजो प्रधानमन्त्री डा बाबुराम भट्टराईले सम्पत्ति सुद्धिकरण सम्बन्धी अध्यादेश अनुमोदन गर्न राष्ट्रपति डा रामबरण यादवसमक्ष अनुरोध गरेका थिए । सो विधेयक पारित नभए मुलुक अन्तर्राष्ट्रिय स्तरमा कालोसुचिमा पर्ने सम्भावना थियो ।
राष्ट्रपति कार्यालयले राष्ट्रले अन्तर्राष्ट्रिय समूदाय समक्ष गरेको प्रतिबद्धता र राष्ट्रिय हितलाई ध्यानमा राखेर अध्यादेश जारी गरेको राष्ट्रपति कार्यालय स्पष्ट पारेको छ । प्रतिपक्षी दलहरु नेपाली काग्रेस र एमालेले भने अध्यादेश जारी नगर्न राष्ट्रपतिलाई दवाव दिदै आएका थिए ।