राहतको जस्तापाता बेच्न खोजेको आरोप लागेका अर्थमन्त्रीका स्वकीय सचिवले राजीनामा दिए

१९ जेष्ठ २०७२, मंगलवार ००:०८ मा प्रकाशित

काठमाडौँ, १८ जेठ । राहतको जस्तापाता बेच्न खोजेको आरोप लागेका अर्थमन्त्री डा रामशरण महतका स्वकीय सचिव रमेश महतले छानबिनलाई सहज बनाउन आज पदबाट राजीनामा दिएका छन् ।

नेपाली काँग्रेस नुवाकोटका सचिवसमेत रहेका महतमाथि इन्भेस्टमेन्ट बैंकले भूकम्पबाट प्रभावित विद्यालयलाई राहत स्वरुप जस्तापाता उपलब्ध गराएकामा विवाद भएपछि महतले छानबिन कार्यलाई सहज बनाउन राजीनामा दिएका हुन् ।

राजिनामा दिदैं महतले भने, ‘मेरो राजनीतिक व्यक्तित्व र अर्थमन्त्रीको छविमा समेत आँच पुर्याउने गरी म माथि एकोहोरो आरोप लगाइयो, छानबिनलाई सहज बनाउन राजीनामा दिएको हुँ, दोषी देखिएमा म जस्तोसुकै कारबाही भोग्न तयार छु तर आरोप लगाउने नै दोषी भएमा पनि उनीहरु कारबाहीको भागिदार बन्नुपर्छ ।’

नुवाकोटका ६ गाविसका विद्यालय बनाउन जस्तापाता वितरण गर्ने कार्यक्रम थियो । घटनाको यथार्थ छानबिन प्रक्रियालाई सहज बनाउन भन्दै महतले पार्टी सभापति सुशील कोइरालालाई समेत छानबिन गर्न निबेदन दिएका छन् ।

पत्रकार सम्मेलनमा महतले आफू र आफ्नो पार्टी सङ्गठनलाई बद्नाम गर्ने नियतले सुनियोजित रुपमा जस्ता काण्ड मच्चाइएको भन्दै यसको सम्बन्धित निकायले यथार्थ छानबिन गर्न माग गरे ।

सभासद् बहादुरसिंह लामाले तथ्यहीन कुरा उठाएर पार्टी सङ्गठनलाई बद्नाम र कमजोर बनाउने खेल भएको भन्दै यो काँग्रेसका लागि दुःखद् भएको उल्लेख गरे ।

प्रतिक्रिया
सम्बन्धित खवर

काठमाडौं । नेपाल कम्युनिष्ट पार्टी (नेकपा) दाहाल-नेपाल समूहले आज बुधबार दिनभर बैठकैबैठक राखेका छन् । कसरी अघि बढ्दा प्रधानमन्त्री ओलीलाई

बेइजिङ । शेयर बजारमा उछाल आएसँगै चीनमा गत वर्ष सन् २०२० मा २०० भन्दा बढी नयाँ अर्बपति थपिएका छन् ।

वर्षौँदेखि कालीगण्डकी नदीको अवैधरूपमा दोहन हुँदै आएको छ । देश सङ्घीयतामा गइसकेपछि गण्डकी प्रदेश सरकारले नदीजन्य पदार्थको उत्खनन तथा निकासी

टीकापुर । सन्तानको रहर पुगेकाहरुका लागि सञ्चालन गरिएको स्थायी बन्ध्याकरण शिविरमा दुई दिनमा ४६ जनाले सेवा लिएका छन् । पहिलो