अमेरिकन भूकम्प उद्धार टोलिलाई नेपाली अमेरिकनको सम्मान

१८ जेष्ठ २०७२, सोमबार १०:२८ मा प्रकाशित

विजय थापा, वाशिंगटन डिसी, १८ जेठ ।  गत बैशाख १२ गते शनिबार नेपालमा गएको विनासकारी महाभूकम्प पिडितलाई उद्धार गर्न नेपाल गएको अमेरिकी उद्धार टोलिलाई भर्जिनियाको स्प्रिंग फिल्ड शहरको वाटर फोर्डमा एक समारोह बिच सम्मान गरिएको छ ।

samman 2वाशिंगटन डिसी नजिक रहेको भर्जिनियाको फेयर फ्याक्स काउन्टी अर्बान सर्च एण्ड रेस्क्यु समूहलाई सम्मान गर्न डिसी क्षेत्र वरपर स्थापना भएका करिब २ दर्जन संघ तथा संस्थाका प्रतिनिधि साथै नेपाली समुदायहरु पुगेका थिए ।

फेयर फ्याक्स काउन्टी अर्बान सर्च एण्ड रेस्क्यु समुह हैटीमा भूकम्प जादा पनि यसरि नै कैयौं जिवितै मानिसलाई उद्धार गर्न सफल भएको थियो भने उनीहरुले नेपालमा पनि पुरिएका मानिसलाई उद्धार गरेका थिए ।

सम्मान कार्यक्रममा उद्धारमा उल्लेख्य काम गरि नेपाल बाट अमेरिका फर्केका नायकहरुलाई सम्मान स्वरुप खादा लगाई बिशेष सम्मान गरिनुको साथै दुवै देशका राष्ट्रिय गान बजाई सम्मान गरिएको थियो ।

कार्यक्रममा उद्धार टोलीमा नेपाल पुगी आफुले गरेका कामको बारेमा केहि टोलि सदस्यहरुले चर्चा गर्दै यो हाम्रो लागि अवसर हो भन्दै नेपाल सरकारलाई धन्यबाद दिएका थिए ।

samman 3उनीहरुलाई अमेरिका सरकारले पनि ठुलो मदत गरेको बताउदै यस्तो कसैलाई पनि नपरोस भन्दै हामीले आफ्नो क्षमताले भ्याए सम्म काम गरि फर्केका छौ भनि मन्तब्य राखेका थिए ।

उक्त सम्मान कार्यक्रममा रिपब्लिकन दलकी तर्फ बाट भर्जिनिया क्षेत्र १० कि सभासद बार्बरा कम स्टकले उद्धार टोलिलाई उत्कृष्टको संज्ञा दिदै नेपालीहरुले दुख पाएकोमा गहिरो दुख व्यक्त गर्दै उनले नेपाली समुदाय संग मिलेर काम गर्ने बताईन ।

नेपाली दुताबासका मिनिस्टर-उप नियोग प्रमुख ऋषि राम घिमिरेले नेपाल सरकार ,दुताबास तथा व्यक्तिगत तर्फ बाट फेयर फ्याक्स काउन्टी अर्बान सर्च एण्ड रेस्क्यु टोलि लाई बिशेष धन्यबाद दिदै अमेरिकाले ठुलो आर्थिक सहयोग गरेको चर्चा गर्नुको साथै उद्धार गर्न नेपाल पुगेको हेलिकप्टर दुर्घटनामा ज्यान गुमाएका सबै मेरिन टोलि प्रति समबेदना प्रकट गरेका थिए ।

नेपाल गएको उद्धार टोलि कै केहि सदस्यले यति ठुलो जनधनको क्षति भएकोमा दुख व्यक्त गर्दै दिवंगत भएका तथा परिवार गुमाएका सबै प्रति समबेदना प्रकट गरेका थिए ।

उक्त कार्यक्रममा उनीहरुले आफ्ना परिवारको साथै सन्तानहरुका साथ सम्मान कार्यक्रममा उपस्थित हुदा उपस्थित नेपाली समुदायले कर्तल ध्वनिले सम्मान जनाएका थिए l

सम्मान कार्यक्रमाका आयोजक मध्येका एक संचार कर्मी राम चन्द्र खरेलले सबै नायकहरुलाई सम्मान जनाउन ” सलुट गर्छु यी हिरोहरुलाई ,जसले त्यहाँ निस्वार्थ रगत बगाए ” भन्ने कविता वाचनको साथ सम्मान गर्दै नेपालमा आफु गएको समयमा भूकम्प जानु आगाडी नेपाल र भूकम्प गए पछिको नेपाल बारेमा तयार गरेको वृत चित्र प्रदर्शन पनि गरिएको थियो l

अत्याधुनिक उपकरण र कुकुर सहित नेपाल पुगी साहसीपूर्ण काम गर्ने सबै नायकहरुलाई हौसला प्रदान गर्ने उदेश्यले सम्मान कार्यक्रम गरिएको जानकारी एनआरएनए अमेरिकाका पूर्व अध्यक्ष सुमन तिम्सिनाले बताए l

सम्मान कार्यक्रम ६० को दशकमा अमेरिका आएका समाज सेवी डा बिष्णु पौडेलले नायकहरुलाई सम्मान गर्नुको साथै यो उद्दार टोलि उत्तम छ भन्ने पहिले नै लागेको बताए भने परशु नेपालले धन्यबाद दिएका थिए l

उक्त कार्यक्रमको आयोजना वाटर फोर्ड रिसेप्सन ,अन्तर्राष्ट्रिय विकास संस्था तथा सगरमाथा टेलिभिजनले सयुक्त रुपमा आयोजना गरेको थियो ।

प्रतिक्रिया
सम्बन्धित खवर

काठमाडौ । न्यायाधीशकी श्रीमती ब्राउन सुगरसहित पक्राउ परेकी छिन् । उच्च अदालत सुर्खेतका न्यायाधीश मदन पोखरेलको श्रीमती तुलसीपुर उपमहानगरपालिका–५ निवासी

काठमाडौं । विशिष्ट व्यक्तिका मुहारलाई क्यान्भासमा सजाउने दोस्रो संस्करणको पहिलो अवसर गैरआवासीय नेपाली सङ्घ (एनआरएनए)का पूर्वअध्यक्ष जीवा लामिछानेलाई जु¥यो ।

नेपाल फ्रान्स कुटनीतिक सम्बन्ध स्थापनाको ७०औ वर्षगाँठको उपलक्ष्यमा प्रकाशित स्मारिका “कर्म” को नेपालस्थित फ्रान्सेली राजदूत फ्रन्स्वा जाभिए लेजेर पेरिसस्थित नेपाली

काठमाडौं । सरकारले फागुन २३ गते प्रतिनिधिसभाको बैठक बोलाउन सिफारिस गर्ने निर्णय गरेको छ । प्रधानमन्त्री निवास बालुवाटारमा शुक्रबार साँझ