माओवादी वैद्य समूहको भेलामा आज पनि छलफल

४ असार २०६९, सोमबार ०८:५८ मा प्रकाशित


काठमाडौ, ४ असार । एकीकृत नेकपा माओवादी उपाध्यक्ष मोहन वैद्य समूहको जारी राष्ट्रिय कार्यकर्ता भेलामा प्रस्तुत गरिएका प्रतिवदेनहरुको बारेमा आज पनि समूहगत रुपमा छलफल हुने भएको छ । तेस्रो दिन पनि जारी रहने भेलामा राजनीतिक, साङ्गठनिक लगायत अन्य प्रतिवेदनको बारेमा छलफल हुने माओवादी पोलिटब्यूरो सदस्य खड्गबहादुर विकले जानकारी दिनुभयो । प्रतिवदेनहरुको बारेमा जारी छलफल सकिएपछि बिचारसमूहको निर्णयको बारेमा पत्रकार सम्मेलन गरेर जानकारी दिने पनि उहाँले बताउनुभयो । हिजोको भेलामा उपाध्यक्ष मोहन वैद्यले राजनीतिक प्रतिवेदन पेसगर्दै नेकपा (क्रान्तिकारी माओवादी) नाममा नयाँ छुुट्टै पार्टी घोषणा गर्ने प्रस्ताव गर्नु भएको थियो । यो प्रस्ताव पारित भएमा एकीकृत माओवादी पार्टी विभाजन हुने छ । आजसम्ममा संस्थापन पक्षसँग कुनै सहमति नभए वैद्य पक्षले छुट्ट्रै पार्टी घोषणा गरेर अगाडि बढ्ने तयारी गरिरहेको बुझिएको छ । बौद्धस्थित शेर्पा सेवा समाजको सभाकक्षमा वेद्य समूहको कार्यकर्ता भेला आज पनि जारी रहनेछ । आजनै भेला टुङ्ग्याउने तयारी भएको बताइएको छ ।

प्रतिक्रिया
सम्बन्धित खवर

काठमाडौं । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ र जनता समाजवादी पार्टीका संघीय परिषद अध्यक्ष डा. बाबुराम भट्टराईबीच भेटवार्ता

बागलुङ । वर्षाका बेला बागलुङवासीले धारोमा पानी आउछ कि आउँदैन भनेर आकाशतर्फ फर्केर निक्यौल गर्ने गर्छन् । वर्षातको समयमा बागलुङमा

काठमाडौँ । सरकार केही दिनमै नागरिकतासम्बन्धी विधेयक संसद्मा पेस गर्ने तयारीमा रहेका बेला प्रमुख प्रतिपक्षी एमालेले त्यसलाई अस्वीकार गर्ने जनाएको

काठमाडौँ । नेपाली कांग्रेसका नेता शेखर कोइराला पक्षको बैठक आज (शुक्रबार) पनि बस्ने भएको छ । बिहीबार राजधानीको बत्तीसपुतली फुडल्याण्डमा