प्रधानमन्त्री ब्राजिल जाँदै, विपक्षी दलहरुले अवरोध गर्ने

४ असार २०६९, सोमबार ०८:५१ मा प्रकाशित

काठमाडौ, ४ जेठ । ब्राजिलको रियो दि जेनेरियोमा हुने अन्तर्राष्ट्रिय वातावरण तथा दिगो विकाससम्बन्धी सम्मेलनमा भाग लिन प्रधानमन्त्री डा बाबुराम भट्टराई आज त्यसतर्फ जानुहुने भएको छ । नेपाल अल्पविकसित देश भएकाले सम्मेलनमा विकास र पर्यावरणीय समस्या प्रस्तुत गर्ने अवसर भएकोले प्रधानमन्त्री ब्राजिल जा लाग्नु भएको प्रधानमन्त्रीको निजी सचिवालयले जनाएको छ । प्रधानमन्त्री भट्टराईले नेतृत्व गरेको टोली दिउँसो पौने ४ बजेपछि प्रस्थान गर्ने त्रिभुवन विमानस्थल स्रोतले जनाएको छ । सम्मेलनमा विश्वका झण्डै १ सय ५०  देशका राष्ट्राध्यक्ष र सरकार प्रमुखले भाग लिने छन् । २० वर्ष पहिले ब्राजिलमा नै विश्व वातावरण सम्मेलन भएको थियो । उक्त सम्मेलनले जलवायु परिवर्तनले भयावह स्थितिबाट उन्मुक्ति पाउनका लागि विकसित र अल्पविकसित देशका सरकार र जनताले कस्तो नीति लिनुपर्छ भन्ने विषयमा घोषणापत्र तयार पारेको थियो । नेपाल अतिकम विकसित देशहरुको समूहको अध्यक्ष रहेको छ । अतिकम विकसित देशहरुको सरकार र राष्ट्रप्रमुखहरुको बैठक नेपालकै आयोजनामा ब्राजिलमा हुनेछ । बैठककोे अध्यक्षता प्रधानमन्त्री डा भट्टराईले गर्नु हुने बताइएको छ । प्रधानमन्त्री डा भट्टराईले ब्राजिलमा जलविद्युत् परियोजनाको पनि अवलोकन गर्ने र विभिन्न देशका राष्ट्रप्रमुखसँग भेटघाट गर्ने कार्यक्रम पनि तय भएको छ । यसैबीच सत्ता बाहिर रहेका दलहरुले आज प्रधानमन्त्री भट्टराई विदेश भ्रमण जानेक्रममा अवरोध गर्ने भएका छन् । सरकारविरुद्ध आन्दोलन घोषणा गरेका नेपाली काङ्ग्रेस, नेकपा एमाले लगायतका दलहरुले आज त्रिभुवन विमानस्थलमा प्रधानमन्त्रीलाई कालोझण्डा देखाउने तयारी गरेको बताएका छन् । विमानस्थल सडकखण्डमा सुतेरै बाटो अवरुद्ध गरिने ती पार्टीका नेताहरुले जनाएका छन् । संविधानसभा विघटनपछि देशमा राजनीतिक निकास दिनुपर्ने बेला प्रधानमन्त्री विदेश जान लागेको भन्दै विपक्षी दलहरुले विरोध जनाउँदै आएका  छन् ।

प्रतिक्रिया
सम्बन्धित खवर

निर्वाचन आयोगले मंसिर २ गते संघीय तथा प्रदेश प्रतिनिधिसभाको निर्वाचन गर्न सरकारलाई सुझाव दिने भएको छ । आयोग स्रोतकाअनुसार बुधबार

काठमाडौँ ।सरकारले प्रतिनिधिसभामा रहेको नागरिकता विधेयक फिर्ता लिने निर्णय गरेको छ । मन्त्रिपरिषद्को मंगलबार बसेको बेठकले नागरिकता विधेयक फिर्ता लिने

काठमाडौं। नेपाली कांग्रेसबाट सरकारमा प्रतिनिधित्व गर्ने मन्त्रीहरुले अर्थमन्त्री जनार्दन शर्माको राजीनामा मागेका छन्। मंगलबार दिउँसो प्रधानमन्त्री तथा मन्त्रिपरिषद्‌को कार्यालयमा बसेको

काठमाडौं । सत्तारुढ दल नेपाली कांग्रेसको पदाधिकारी बैठक सकिएकाे छ । पार्टी कार्यालय सानेपामा मंगलबार बसेकाे बैठक चुनावी रणनीति र

आजको प्रमुख समाचार