सरकार पीडित नेपाली जनतासँगै छ : प्रधानमन्त्री कोइराला

१० जेष्ठ २०७२, आईतवार ००:१५ मा प्रकाशित

काठमाडौँ, ९ जेठ । प्रधानमन्त्री सुशील कोइरालाले सरकार भूकम्पपीडित नेपाली जनतासँगै रहेको बताउनुभएको छ । नेपाली काँग्रेस केन्द्रीय खेलकुद विभागद्वारा आज प्रधानमन्त्री निवास बालुवाटारमा आयोजित विपद् व्यवस्थापन स्वयंसेवक शुभारम्भ कार्यक्रममा प्रधानमन्त्री कोइरालाले भूकम्पले पारेको विपत्तिको नेपाली जनताले सामना गरिरहेको बताउँदै भन्नुभयो, “जनताको पीडामा सरकार सँगै छ, अन्तर्राष्ट्रिय समुदाय छ, विपद्को यस घडीमा सबै एक भएर राहत, उद्धार एवम् नयाँ नेपाल निर्माणको अभियानमा लाग्नुपर्छ । ”

राष्ट्रको यस विपत्तिमा युवा वर्गको महत्वपूर्ण भूमिका रहेको उल्लेख गर्दै काँग्रेसका सभापति पनि रहनुभएका कोइरालाले नयाँ नेपालको निर्माणमा जुट्ने युवाको अठोट अत्यन्त प्रशंसायोग्य भएको र यसमा सहयोग पु¥याउन सरकार प्रतिबद्ध छ भन्नुभयो ।

काँग्रेसका बरिष्ठ नेता शेरबहादुर देउवाले यस विपत्तिबाट पाठ सिक्दै यस्ता र यसभन्दा ठूलो विपत्ति आइपरे पनि २४ घन्टाभित्र खोजी, राहत तथा उद्धार गर्न सक्ने किसिमको सक्षमता कायम गर्नेतर्फ लाग्नुपर्ने बताउनुभयो । काँग्रेसका उपसभापति रामचन्द्र पौडेलले आफ्नो राष्ट्रको निर्माण आफैँ गर्न सक्छौँ भन्ने कुराका साथ सुरु भएको अभियान आफँैमा महत्वपूर्ण रहेको बताउँदै भन्नुभयो, “भूकम्पले हामीलाई चुनौती दिएको छ, यस बेला आलस्यपनबाट उठी श्रमको पूजा गर्ने बेला हो, तत्काललाई अस्थायी टहरा निर्माण गरी देशमा एकीकृत बस्तीको योजना ल्याउनुपर्छ । ”

काँग्रेस खेलकुद विभागका प्रमुख धनराज गुरुङले अब राष्ट्रको नवनिर्माणका लागि प्रत्येक युवा श्रमिक बनेर खट्नुपर्ने बेला आएको छ, यस अभियानमा अर्काको मुख ताक्नु हुँदैन, हामी आफैँ अग्रसर हुनुपर्छ भन्नुभयो ।

‘विपद् व्यवस्थापनका लागि श्रमदान नवनिर्माणका लागि हाम्रो अभियान’ भन्ने नाराका साथ देशभरका भूकम्प प्रभावित जिल्लामा स्वयंसेवक परिचालन गरिने बताइएको छ । उक्त अवसरमा प्रधानमन्त्री कोइराला, काँग्रेसका नेताद्वय देउवा र पौडेलले विपद् व्यवस्थापन एवम् श्रमदानका लागि स्वयंसेवकलाई निर्माणका सामग्री हस्तान्तरण गर्नुभएको थियो । रासस

प्रतिक्रिया
सम्बन्धित खवर

काठमाडौँ । सत्तारुढ नेकपा विवाद नटुंगिएसम्म कांग्रेसले भावी सरकारको बारेमा निर्णय नलिने भएको छ । पार्टी सभापति शेरबहादुर देउवाको निवास

काठमाडौं । विगत् १० महिनादेखि श्रीलंका कारागारमा रहेका २६ नेपाली महिला तत्काल छुट्ने सम्भावना नरहेको श्रीलंकास्थित नेपाली दूतावासले जनाएको छ

काठमाडौं । प्रतिनिधिसभा पुनःस्थापनापछि नेकपाका अध्यक्षद्वय पुष्पकमल दाहाल र माधवकुमार नेपालले भेटवार्तालाई तीव्र पारेका छन् । बिहीबार बामदेव गौतमसँगको भेटवार्तापछि

बुटवल । सेवाग्राहीसँग ५० हजार रुपैयाँ घुस लिएको आरोपमा रुपन्देहीको गैडहवामा कार्यरत सशस्त्र प्रहरीका प्रहरी निरीक्षक (इन्स्पेक्टर) सहित दुई जना