पूर्वप्रधानमन्त्री माधवकुमार नेपाललाई पितृशोक

काठमाडौ, ५ जेठ । पूर्वप्रधानमन्त्री एवं एमाले नेता माधवकुमार नेपाललाई पितृशोक परेको छ । एमाले वरिष्ठ नेता माधवकुमार नेपालका ९९ बर्षीय पिता मंगलकुमार उपाध्यायको मङ्गलबार विहान निधन भएको हो । उपाध्यायको मङ्गलबार विहान आफ्नै निवास कोटेश्वरमा निधन भएको हो । स्वर्गीय उपाध्यायलाई केही समय अघि देखि निमोनियाको समस्या देखिएको र उपचारको लागि पाटन अस्पताल लगिएको थियो । उपाध्याय सामान्य उपचार पछि विगत दुई सातादेखी घरमै आराम गरिरहेका थिए। स्वर्गीय उपाध्यायको मंगलबार अपरान्ह पशुपति आर्यघाटमा अन्येष्टी गरिने पारिवारिक स्रोतले जनाएको छ ।