मैनाली नेपाल फिर्ता,परिवारमा खुसीयाली

२ असार २०६९, शनिबार १५:२८ मा प्रकाशित

काठमाडौ, २ असार । लामो जेल जीवनबाट मुक्त हुनु भएका गोबिन्दप्रसाद मैनाली आज नेपाल फर्किनुभएको छ । उहाँ दिउँसो साढे १२ बजे थाई एअरको विमानबाट त्रिभुवन विमानस्थलमा उत्रिनुभएको हो । उहाँलाई स्वागत गर्न उहाँकी आमा चन्द्रकला, दाजु लगायत आफन्तजन  विमानस्थल पुग्नुभएको थियो । विमानस्थलमा पत्रकारहरुलाई प्रतिक्रिया दिँदै लामो समयपछि नेपाल आउन पाएकोमा आफू खुसी भएको प्रतिक्रिया दिनुभएको थियो ।  एक जापानी महिलाको बलत्कारपछि हत्या गरेको अभियोगमा मैनाली जेल पर्नुभएको थियो । तर  गत बर्ष डिएनए परिक्षण पछि निर्दोष सावित हुनु भएको थियो । रिहा भएपछि अहिलेसम्म औपचारिक प्रतिक्रिया नदिनुभएका मैनालीले आजै साँझ पाँचबजे पत्रकारसम्मेलन गरेर घटनाका बारेमा जानकारी गराउने कार्यक्रम तय गरिएको छ । सन् १९९७ मा जापनकी यौनकर्मी महिलाको बलात्कारपछि हत्या गरेको अभियोगमा जेल पर्नुभएका मैनालीलाई टोकियोको उच्च अदालतले जेठ २५ गते निर्दाेष ठहर गरेको थियो । उहाँको बारेमा फैसला सुन्न उहाँकी श्रीमति र दुई छोरी जापानमै पुगेका थिए । यसैबीच, मैनालीबारे समाचार संकलनका लागि उहाँको निवास काठमाण्डू मिनभवनमा स्वदेशी तथा विदेशी पत्रकारहरुको भीड लागेको छ ।

प्रतिक्रिया
सम्बन्धित खवर

न्यूयोर्क । न्युयोर्क राज्य संसदमा नेपाली मूलकी सराहना श्रेष्ठले उम्मेदवारी घोषणा गरेकी छिन् । सराहनाले न्युयोर्क राज्य संसदको तल्लो सदनमा

अमेरिका। अमेरिकाको मेरिल्याण्डमा अवस्थित मोर्गन स्टेट युनिभर्सिटीमा कार्यरत एक नेपाली मूलका प्राध्यापकले सो विश्वविद्यालयले प्रदान गर्ने रिसर्च एण्ड स्कलरसिप अवार्ड

न्युयोर्क। पत्रकारितामार्फत मानवताका क्षेत्रमा असाधारण सेवा गरेवापत न्युयोर्क निवासी पत्रकार किशोर पन्थीलाई अमेरिकाको विश्वविद्यालयले मानार्थ पीएचडी अर्थात् डाक्टर अफ फिलोसोफीबाट

काठमाडौं । न्यूयोर्क राज्य संसदको चुनावमा पहिलो पटक नेपाली मूलकी एक युवती सांसद बन्ने सम्भावना बढेको छ । नेपाली मुलकी