भारतीय क्रिकेटका कप्तान धोनी काठमाडौ आईपुगे, नेपालमा क्रिकेट विकासमा योगदान दिने भनाई

२ असार २०६९, शनिबार ११:१६ मा प्रकाशित

काठमाडौ, २ असार ।  भारतीय राष्ट्रिय क्रिकेट टिमका कप्तान महेन्द्र सिंह धोनी दुई दिने भ्रमणको क्रममा आज नेपाल आईपुगेका छन् । एयर ईण्डीयाको विमानबाट उनी विहान सवा नौ बजे काठमाडौ ओर्लिएका हुन ।
विमानस्थालमा आयोजित पत्रकार सम्मेलनमा कप्तान धोनीले  दक्षिण एशियाको क्रिकेटको स्तर विरुद्धमा धेरै माथि रहेको उल्लेख गर्दै दक्षिण एसीयाकै अर्को मुलुक नेपालको क्रिकेट पनि उत्कृष्ट हुन पर्ने धारणा राखे । उनले नेपाललाई त्यसकोलागी धैर्यता र एकाग्रताको सुझाव पनि दिए ।
धोनिले नेपालको क्रिकेट स्तरलाईमाथि पुर्याउन क्रिकेटको पूर्वाधार निर्माणमा जोड दिदै नेपाली क्रिकेट बारे सुने पनि आफ्नो व्यस्त कार्यतालिकाले गर्दा अवलोकन गर्न नपाएको गुनासो सुनाए ।
उनले नेपाली क्रिकेटरलाई  अध्ययन र खेललाई समानान्तर रुपमा अगाडि बढाउन समेत सुझाव दिए । नेपाली क्रिकेटको बारेमा उनले राम्रो प्रगति रहेको सुनाउँदै आफ्नो भ्रमणको क्रममा आफुले नेपालका यूवालाई क्रिकेटमा समर्पित हुन सुझाव दिने बताए ।
भारतीय दुतवासको संयोजनमा नेपाल भ्रमणमा आएका धोनी मध्यान्ह कीर्तिपुर क्रिकेट मैदान पुगेर नेपाली यु १९ र राष्ट्रिय खेलाडीसँग २ घण्टा बिताउने छन ।  नेपाली यु १९ टोल्ऽी मलेसियामा अर्को हप्ता सुरु हुने यु १९ एशिया कपको तयारीमा छ । र नेपालले पहिलो खेल भारतसँग खेल्दैछ ।
यसअघि आईसीसीका तत्कालिन अध्यक्ष इशान मणी, फिफा अध्यक्ष सेप व्लाटर तथा पूर्व क्रिकेटरहरु कपिलदेव, सुनिल गावास्करलगायतका  व्यक्तित्वहरु नेपाल आईसकेका छन् ।
धोनीले आजै तीन बजे उनी बस्ने होटल याक एण्ड यतिमा प्रधानमन्त्री डा बाबुराम भट्टराईसँग भेटवार्ता गर्ने छन भने साँझ भारतीय दुतावासले  आयोजना गर्ने रात्री भोजमा सहभागी हुने छ । भोली माईति नेपालको अवलोकन र पशुपति नाथको दर्शनपछि उनी स्वदेश फर्किनेछन् ।

प्रतिक्रिया
सम्बन्धित खवर

काठमाडौं । नर्दन आयरल्यान्डविरुद्ध सहज जितसँगै नर्वेले यूइएफए महिला युरो च्याम्पियनसिपमा विजयी सुरुवात गरेको छ । बिहीबार राति साउथह्याम्पटनमा भएको

काठमाडौँ । क्रिस्टियानो रोनाल्डोलाई यसै खेलाडी ट्रान्सफरमा बेच्न म्यानचेस्टर युनाइटेड तयार भएसँगै उनी कुन क्लबमा जान्छन् भन्ने कौतुहलता बढेको छ

काठमाडौं । भारतले पहिलो टी-२० अन्तर्राष्ट्रिय खेलमा बिहीबार राति घरेलु टोली इंग्ल्यान्डलाई ५० रनले पराजित गरेको छ । जितसँगै तीन

काठमाडौं । नेपाली राष्ट्रिय क्रिकेट टिमका कप्तान सन्दीप लामिछानेले जमैका तल्लावाजबाट क्यारेबियन प्रिमियर लिग (सिपिएल) खेल्ने भएका छन् । आगामी