राज्यविहीनताको अवस्थामा आउन दिन्न : प्रधानमन्त्री

२७ बैशाख २०७२, आईतवार ००:३० मा प्रकाशित

काठमाडौँ, २६ वैशाख । प्रधानमन्त्री सुशील कोइरालाले नेपाललाई हाइटीजस्तो राज्यविहीनताको अवस्थामा जान नदिने प्रतिबद्धता जनाउनुभएको छ ।

बालुवाटारमा शनिबार तनहुँ–काठमाडौँ लोकतान्त्रिक बुद्धिजीवी समाजको ज्ञापनपत्र बुझ्दै प्रधानमन्त्री कोइरालाले सो प्रतिबद्धता जनाउनुभएको हो ।

“वैशाख १२ गतेको बिनाशकारी भूकम्पबाट आहत जनतालाई सरकारविरुद्ध उचालेर नेपाललाई राज्यविहीनताको अवस्थामा पु¥याउन खोजिएको छ, मलाई केही लिनु छैन, त्यसैले म पीडितलाई राहत दिने काममा दृढताका साथ लाग्दछु, गलत गर्नेलाई कारबाही र राम्रो गर्नेलाई पुरस्कृत गर्न कुनै कञ्जुस्याईं बाँकी राख्दिन” उहाँले भन्नुभयो ।

सुरुका दिन सबै पीडामा भएकाले सरकारका काममा केही कमजोरी देखिए पनि पछि त्यसलाई सम्हालेर नियन्त्रणमा लिइएको प्रधानमन्त्री कोइरालाले बताउनुभएको थियो ।

विपत्को घडीमा अनावश्यक हल्लाभन्दा पनि सही रूपमा पीडितको सेवामा जुट्न उहाँले समाजको प्रतिनिधिमण्डललाई आग्रह गर्नुभयो ।

समाजका संयोजक यदुनाथ खनालले तनहुँमा भूकम्पले चार हजार ९२७ घर पूर्ण रूपमा क्षति भएका, १५ हजार ९१८ घरमा बस्न नहुने गरी भत्किएका, एक सय वटा विद्यालय र मठमन्दिर पूर्ण रूपमा क्षति भएका, १३ वटा स्वास्थ्यचौकी र तीनवटा गाविस भवन पनि पूर्ण रूपमा क्षति भएकाले जिल्लालाई अति प्रभावितको सूचीमा समावेश गरिनुपर्ने माग गर्नुभयो ।

“मानवीय क्षति एकै जनाको मात्र भए पनि जिल्लामा भूकम्पका कारण भयावह स्थिति छ त्यसैले अति प्रभावितको सूचीमा समावेश गरिनुपर्छ भन्ने माग राखेका छौँ”, रासससँग प्रतिक्रिया दिँदै संयोजक खनालले भन्नुभयो ।

समाजमा तनहुँबाट काठमाडौँ आई डाक्टर, इञ्जिनियर, पत्रकार, शिक्षक र कर्मचारीलगायत पेसा व्यवसायमा आबद्धहरूको संलग्नता रहेको छ । रासस

प्रतिक्रिया
सम्बन्धित खवर

काठमाडौं । प्रधानमन्त्री तथा नेकपा संसदीय दलका नेता केपी शर्मा ओलीले दलको प्रमुख सचेतकमा विशाल भट्टराईलाई नियुक्त गरेका छन् ।

काठमाडौं । सत्तारुढ दलभित्र खटपट चरमोत्सर्गमा पुगेका बेला सरकारले ठूलो संख्या प्रमुख जिल्ला अधिकारी (प्रजिअ) सरुवा गरेको छ । गृह

युरोपेली संघ ‘ईयू’ मा कोरोना भाइरस ‘भ्याक्सिनेसन पासपोर्ट’ अर्थात खोप राहदानीको प्रयोग गर्ने तयारी थालिएको छ । ग्रीस र अस्ट्रियाले

गुल्लरिया । बर्दियाको बाँसगढी नगरपालिकामा एकै दिन चार बालिका बलात्कारको शिकार भएका छन् । १४ वर्षीय एक किशोरले एकै दिन