एएफसी यु–२२ छनौट पैतियोगिता आजबाट सुरु

२ असार २०६९, शनिबार ०९:०८ मा प्रकाशित

काठमाडौ, २ असार । एसियाली फुटबल महासङ्घ एएफसीको कार्यक्रमअन्तर्गत अखिल नेपाल फुटबल सङ्घ एन्फाको आयोजनामा आजदेखि दशरथ रङ्गशालामा एएफसी यु–२२ छनौट चरणअन्तर्गत समूह ‘घ’ का खेलहरू सञ्चालन हुने भएको छ । प्रतियोगितमा नेपाल, यमन, बङ्गलादेश, उज्बेकिस्तान र जोर्डन गरी पाँच राष्ट्रको सहभागिता हुनेछ । प्रतियोगितामा सहभागी हुने नेपाली युवा टिमलाई वरिष्ठ फुटबल प्रशिक्षक कृष्ण थापा र सहायक प्रशिक्षक हरि खड्काले विगत दुई महिनादेखि प्रशिक्षण दिँदै आउनुभएको छ । प्रतियोगितामा नेपाली फुटबल टोलिका कप्तान भरत खवास र उप–कप्तान विकास क्षेत्रीलाई तोकिएको प्रशिक्षक कृष्ण थापाले बताउनुभयो । हरेक दिन प्रतियोगिताको पहिलो खेल ३ः३० बजे र दोस्रो खेल साँझ ६ः३० बजे सञ्चालन हुनेछ ।  नेपालले प्रतियोगिताको पहिलो दिन आज बङ्गलदेशसँग खेल्नेछ भने दोस्रो खेल असार ४ गते यमनसँग खेल्नेछ । त्यस्तै तेस्रो खेलमा असार ६ गते नेपालले उज्बेकिस्तानको सामना गर्नेछ । असार ८ गते हुने चौथो खेलमा नेपाल र जोर्डन आमनेसामने हुनेछ । नेपाललाई आजको पहिलो खेल नै जित्नुपर्ने वाध्यता छ । आजको पहिलो खेल भने यमन र जोर्डनबीच हुनेछ ।

प्रतिक्रिया
सम्बन्धित खवर

मुम्बइ । १४औँ संस्करणको इन्डियन प्रिमियर लिग (आइपिएल) टी–२० क्रिकेट प्रतियोगिता अन्तर्गत आजको खेलमा दिल्ली क्यापिटल्स विजयी भएको छ ।

नयाँदिल्ली । १४औँ संस्करणको इन्डियन प्रिमियर लिग (आइपिएल) मा रोयल च्यालेञ्जर्स बैंगलोरले विजयी सुरुवात गरेको छ । शुक्रबार भएको उद्घाटन

विश्वकै सर्वाधिक लोकप्रिय क्रिकेट लिग, इन्डियन प्रिमियर लिगको चौधौं संस्करण आजबाट सुरु हुँदैछ । कोभिड- १९ को प्रकोप खेपिरहेको भारतले

लन्डन । युएफफा च्याम्पियन्स लिगअन्तर्गत बिहीबार बिहान सम्पन्न तेस्रो क्वार्टरफाइनलमा फ्रेन्च क्लब पेरिस सेन्ट जर्माइन (पिएसजी) र इग्लिस क्लब चेल्सी