माओवादी संस्थापन पक्षको आज राजधानीमा जनप्रदर्शन

१ असार २०६९, शुक्रबार ०८:४२ मा प्रकाशित

काठमाडौ, १ असार । पार्टी फुटको सङ्घारमा पुगेको चर्चा चलिरहेको बेला एकीकृत माओवादी संस्थापन पक्षले आज राजधानीमा जनप्रदर्शन गर्ने भएको छ । पहिचानसहितको सङ्घीयता र सङ्घीयतासहितको संविधान निर्माण प्रक्रियामा बाधक बनेका राजनीतिक शक्ति र पार्टीको धारणा सार्वजनिक गर्न सभा गर्न लागिएको माओवादीले जनाएको छ । जनसभामा काठमाडौमा नेवाः राज्य समिति र ताम्सालिङ राज्य समितिका एक लाखभन्दा बढी जनताको सहभागिता रहने माओबादीले दावी गरेको छ । सङ्घीयता पक्षधरहरुको भेलाको आयोजना गरिएको माओवादीले दावी गरे पनि पार्टीको असन्तुष्ट पक्षविरुद्व शक्ति प्रदर्शन गर्न माओवादी संस्थापन पक्षले कार्यकर्ता भेला गर्न लागेको विश्लेषण गरिएको छ । दिउँसो १ बजे राजधानीको खुल्लामञ्मा सुरु हुने कार्यक्रममा माओवादीको ताम्सालिङ र नेवा राज्यका नेता तथा कार्यकर्ताको सहभागिता रहने माओवादीले जनाएको छ । भेलालाई एकीकृत माओवादी अध्यक्ष पुष्पकमल दाहाल प्रचण्ड, उपाध्यक्ष समेत रहनुभएका प्रधानमन्त्री डा बाबुराम भट्टराईलगायतका शीर्ष नेताहरुले सम्बोधन गर्ने कार्यक्रम तय गरिएको छ । माओवादी नेवाःराज्य समितिका सचिव नारायण दाहालका अनुसार जनसभालाई सफल बनाउन विभिन्न जनवर्गीय सङ्गठन, भ्रातृ सङ्गठन तथा सहायक सङ्गठनहरुलाई जनपरिचालनका लागि खटाइसकिएको छ । जनसभालाई व्यवस्थित बनाउन माओवादीले सहायक संगठन वाईसीएललाई परिचालन गर्ने भएको छ । सभा सुरु हुनु अघि कोटेश्वर, बालाजु, कलंकी, कालीमाटी, नयाँसडक, चाबहिल महाराजगन्ज, सामाखुसीलगायतका स्थानबाट जुलुस प्रदर्शन गरिने माओवादीले जनाएको छ । माओवादीले आज सबै जिल्लाहरुमा पनि जनसभा आयोजना गरेको छ ।

प्रतिक्रिया
सम्बन्धित खवर

काठमाडौँ । नेकपा एमालेका वरिष्ठ नेता एवं पूर्वप्रधानमन्त्री झलनाथ खनालको मिर्गौला प्रत्यारोपण सफल भएको छ । नयाँदिल्लीस्थित एपोलो अस्पतालमा नेता

काठमाडौं । सरकारको न्यूनतम साझा कार्यक्रमलाई टुङ्गो लगाउन आज बुधबार तेस्रोपटक बसेको सत्तारुढ गठबन्धन कार्यदलको बैठकले राष्ट्रिय योजना आयोगको समेत

काठमाडौं । नेकपा एमालेमा विवाद समाधानका लागि निरन्तर छलफल भइरहेको छ । विवाद समाधानका लागि पार्टी अध्यक्ष केपी शर्मा ओली

काठमाडौं । देशभित्र निर्माणाधीन अवस्थामा रहेका जलविद्युत् एवं प्रसारण लाइन आयोजनालाई समयमा पूरा गर्नेतर्फ ध्यान नदिइएको भन्दै सरकारले नेपाल विद्युत्