विनाशकारी महाभूकम्पको क्षति: अहिले सम्म १९०० जनाको मृत्यु

काठमाडौँ, १३ वैशाख । गोरखा जिल्लाको उत्तरीक्षेत्र वारपाकलाई केन्द्रबिन्दु बनाएर भएको ७.८ रेक्टर स्केलको भूकम्पले काठमाडौँ उपत्यका लगायत मुलुकका विभिन्न क्षेत्रमा ठुलो जनधनको ठूलो क्षति पुर्याएको छ । शनिबार बिहान ११.५६ मिनेटमा भएको ठूलो भूकम्पले काठमाडौँको ऐतिहासिक धरहरा, हनुमानढोकास्थित सात तल्ले दरवार, हनुमानढोका दरवार, काष्ठमण्डप, जैसीदेवल, ललितपुरको लगनखेल, पाटक दरवार क्षेत्र र भक्तपुर दरवार क्षेत्र र भित्री बस्तीका घर ढलेर जनधनको ठूलो क्षति पुगेको छ । नेपाली सेनाको पछिल्लो बिबरण अनुसार अहिले सम्म १९०० जनाको मृत्यु भइसकेको छ । हजारौं घाइतेको राजधानीको विभिन्न अस्पतालमा उपचार भइरहेको छ ।  ४७१८ बढी घाइतेले उपचार गराइरहेका छन् । अस्पतालको चौरमा पनि राखेर घाइतेको उपचार भइरहेको छ ।

महाभूकम्पमा काठमाडौं उपत्यकामा मात्रै  ८०० बढीको मृत्यु भइसकेको छ ।