राष्ट्रपति र पूर्वप्रधानमन्त्री नेपालबीच छलफल

३२ जेष्ठ २०६९, बिहीबार १२:४० मा प्रकाशित

काठमाडौ, ३२ जेठ । राष्ट्रपति डा रामबरण यादब र पूर्व प्रधानमन्त्री तथा एमाले बरिष्ठ नेता माधव नेपालबीच पछिल्लो राजनीतिक घटनाक्रमको बारेमा आज छलफल भएको छ । राष्ट्रपतिभवन शीतल निवासमा आज विहान भएको भेटमा पूर्वप्रधानमन्त्री नेपालले स्वदेशी तथा विदेशी दबाबका भरमा राष्ट्रिय सहमतिबिना संविधान संरक्षकका नाताले राष्ट्रपतिले कुनै निर्णय लिनु नहुने सुझाव आफूले राखेको जानकारी गराउनुभयो । प्रधानमन्त्री डा बाबुराम भट्टराईले सत्तालिप्सामा नलागी आफूले दिएको बचन पूरा गर्नुपर्नेमा जोड दिदै नेता नेपालले राष्ट्रिय सहमतिका लागि काङ्ग्रेस र एमालेले चाँडै एकीकृत माओवादी सहितको प्रमुख दलको बैठक बोलाउने तयारी भएको जानकारी दिनुभयो । संविधानसभाको विघटन, सरकारले अध्यादेशमार्फत ल्याउने भनिएको बजेट तथा दलहरुबीचको छलफलको बारेमा नेता नेपाल र राष्ट्रपतिबीच कुराकानी भएको थियो । अहिलेको सरकारले अध्यादेशबाट बजेट ल्याउन लागेको र प्रमाणिकरण गर्न दबाब आएकोले दलहरुसँगको छलफलको आधारमा मात्र निर्णय लिन आग्रह गरेको नेपालको भनाइ थियो । जवाफमा राष्ट्रपति यादबले दलहरु मिलेर जानुको विकल्प नरहेको र त्यसै अनुसार आफूले आग्रह गर्ने बताउनु भएको थियो ।

प्रतिक्रिया
सम्बन्धित खवर

लुम्बिनीका प्रदेश प्रमुख अमिक शेरचनले प्रदेशसभा बैठक आह्वान गर्नुभएको छ । साउन २७ गते १: ०० बजे प्रदेश प्रमुखबाट प्रदेशसभाको

कोरोना भाइरसको सङ्क्रमण आज एकै दिन तीन हजार ९३८ जनामा देखिएको छ । स्वास्थ्य तथा जनसङ्ख्या मन्त्रालयले सार्वजनिक गरेको तथ्याङ्कअनुसार

हुम्ला । मुगु र हुम्ला जिल्ला जोड्ने लिंक रोड निर्माण गरे पनि कर्णाली नदीमा पुल निर्माणमा ढिलाइ भएको छ ।

काठमाडौं । तीन साता बितिसक्दा पनि प्रधानमन्त्री शेरबहादुर देउवाले मन्त्रिपरिषदलाई पूर्णता दिन सकेका छैन । मन्त्रालयको टुंगो लाग्नु त परैजाओस्