प्रज्ञामा प्राणिनि बारे प्रवचन

११ बैशाख २०७२, शुक्रबार २३:४१ मा प्रकाशित

काठमाडौँ । नेपाल प्रज्ञा–प्रतिष्ठान भाषा (मातृभाषा) विभागको आयोजनामा संस्कृत साहित्यका प्राचीन वैयाकरण पाणिनिको अष्टाध्यायी सूत्रहरूको प्रयोग सम्बन्धी प्रवचन कार्यक्रम सम्पन्न भएको छ ।

कार्यक्रममा कुलपति गङ्गाप्रसाद उप्रेतीले पाणिनीको अष्टाध्यायी सूत्रहरूमा आधारित प्रवचन कर्ता प्रा.डा. गोविन्द बोल श्रेष्ठको व्यक्तित्व प्रकाश पार्नुभएको थियो । उहाँले नयाँ किसिमले शब्दको शक्ति बुझ्न र बुझाउन पाणिनिकृत सूत्रहरूलाई आधार मान्नुपर्ने बताउनु भयो ।

प्रवचन कर्ता प्रा.डा. गोविन्द बोल श्रेष्ठले ६ प्रकारका सूत्रलाई वृतमा समावेश गरी व्याख्या गर्दै पाणिनिको अष्टाध्यायी फिजिक्स (भौतिक विज्ञान) मा अधारित रहेको बताउनु भयो । पेसाले इन्जिनियर श्रेष्ठले बिगत २ वर्षदेखि पाणिनिको व्याकरणका अष्टाध्यायी सूत्रहरू बारे अनुसन्धान गर्दै आउनु भएको छ । उहाँले पहिलो वेद ऋग्वेद भएको भन्दै हजारौँ वर्षसम्म वेद प्रचलनमा नआए पनि वृहस्पतिले इन्द्रलाई अष्टाध्यायी व्याकरण सिकाएको प्राचीन प्रसङ्ग उल्लेख गर्नुभयो ।

प्रवचन कार्यक्रममा विशेष अतिथि प्रा.डा. वासुदेव त्रिपाठीले पाणिनिलाई वैज्ञानिक दृष्टि भएका विद्वान् हुन् भन्ने तथ्य प्रस्तुत गर्नु भयो ।

कार्यक्रममा सहभागी विभिन्न विद्वान्हरूले आ–आफ्ना कोणबाट जिज्ञासा प्रस्तुत गर्नु भएको थियो । प्रा. देवीप्रसाद गौतम र प्रा.डा. माधवप्रसाद पोखरेलले अष्टाध्यायी सूत्रहरू बारे श्रेष्ठले भौतिक कोणबाट गर्नुभएकामा डा. श्रेष्ठलाई धन्यवाद दिनु भयो– ‘यो उहाँको नवीनतम् व्याख्या सराहनीय छ ।’

त्यसै गरी सहभागीहरू जनार्दन घिमिरे, प्रा.डा. विष्णुराज आत्रेय, भीमनारायण रेग्मी, लक्ष्मीप्रसाद खतिवडा, आमोद वद्र्धन कौडिन्यायन लगायतले प्रवचन विषयमा आआफ्ना जिज्ञासा राख्नु भएको थियो ।

कार्यक्रममा उपकुलपति डा. विष्णुविभु घिमिरे, प्रा.डा. जीवेन्द्रदेव गिरी, प्राज्ञ सदस्यहरू, प्राज्ञ सभा सदस्यहरू लगायत विशिष्ट विद्वान् विदूषीको उल्लेख्य सहभागिता रहेको थियो । प्रवचन कार्यक्रम प्रा.डा. माधवशरण उपाध्यायको अध्यक्षतामा सम्पन्न भएको थियो ।

प्रतिक्रिया
सम्बन्धित खवर

काठमाडौं । विशिष्ट व्यक्तिका मुहारलाई क्यान्भासमा सजाउने दोस्रो संस्करणको पहिलो अवसर गैरआवासीय नेपाली सङ्घ (एनआरएनए)का पूर्वअध्यक्ष जीवा लामिछानेलाई जु¥यो ।

नेपाल फ्रान्स कुटनीतिक सम्बन्ध स्थापनाको ७०औ वर्षगाँठको उपलक्ष्यमा प्रकाशित स्मारिका “कर्म” को नेपालस्थित फ्रान्सेली राजदूत फ्रन्स्वा जाभिए लेजेर पेरिसस्थित नेपाली

नेपाली पत्रकारहरुको अन्तर्राष्ट्रिय सञ्जाल (इञ्जा)ले स्रष्टा राजेन्द्र पराजुलीको संस्मरणात्मक कृति ‘कोटेश्वरको केटो’ लाई उत्कृष्ट साहित्यिक कृति पुरस्कार प्रदान गर्ने घोषणा

वरिष्ठ पत्रकार एवं पूर्वमन्त्री होमनाथ दाहाललाई विसं २०७६ को महेन्द्रनारायण निधि राष्ट्रिय पुरस्कार प्रदान गरिने भएको छ । दाहाल विगत