निकुञ्जमा शिकार गर्दै गर्दा पूर्व प्रहरी प्रमुखसहित तीन पक्राउ

३१ जेष्ठ २०६९, बुधबार ०८:५४ मा प्रकाशित

नवलपरासी, ३१ जेठ । चितवन राष्ट्रिय निकुञ्जमा शिकार गर्दै गरेको अवस्थामा नवलपरासीको नमूना मध्यवर्ती सामुदायिक वन पिठौलीबाट तीनजना पक्राउ परेका छन् । पूर्व प्रहरी प्रमुख प्रदीप शम्सेर जबरासहित तीनजना जङ्गली जनावर र पन्छी मारिरहेको अवस्थामा पक्राउ परेका हुन् । नवलपरासीको नमूना मध्यवर्ती सामुदायिक वन पिठौलीमा शिकार खेल्ने क्रममा स्थानीय बासिन्दाले पूर्व प्रहरी महानिरीक्षक रहेका जबरालाई पक्राउ गरेको स्थानीय डिबी चौधरीले जानकारी दिनुभयो ।
बा २ च ४३५४ नम्बरको गाडी लगेर शिकार खेल्न गएका जबरालाई एउटा मारेको मयुर र दुई तीन बोरा शिकारसहित स्थानीयले पक्रन सफल भएका हुन् । टेलिस्कोप जडित अत्याधुनिक हतियार, शिकार, गाडीसहित जबरालाई बिहान नेपाली सेनाको जिम्मा लगाइएको छ । स्थानीय बासिन्दाले यसअघि पनि पटक पटक जबरा नवलपरासीमा चोरी शिकारमा संलग्न भएको बताएका छन । दुईमहिना अघि पनि जबरा शिकार खेल्न नवलपरासी जानुभएको थियो । जबरामाथि पद तथा शक्तिको दुरुपयोगमा सर्वोच्च अदालतमा मुद्दा चलिरहेको छ ।

प्रतिक्रिया
सम्बन्धित खवर

गत वर्ष कोरोना सङ्क्रमणको दर तीव्र भएका बेला दैलेखमा आइसीयू र भेन्टिलेटर जडान भयो । तीनवटा आइसीयू र दुईवटा भेन्टिलेटरका

काठमाडौं । ईस्लाम धर्मावलम्वीहरूको महान पर्व रमजान आज धुमधामसँग मनाउने तयारीमा जुटेका छन् । यो पर्वलाई ‘इद उल फित्तर’ भनिन्छ

एक महिनाअघि वैदेशिक रोजगारीका क्रममा खाडी मुलुक दुबई पुगेका झापा, कमल गाउँपालिकाका चार युवा अलपत्र परेका छन् । स्थानीय दलालमार्फत

काठमाडौँ । काठमाडौँ उपत्यकामा निषेधाज्ञा १५ दिन थप भएको छ । मंगलवार उपत्यकाका तीनवटै जिल्लाका प्रमुख जिल्ला अधिकारीको बैठकले निषेधाज्ञा