भाइरलले इलाममा एकको मृत्यु

३१ जेष्ठ २०६९, बुधबार ०८:५३ मा प्रकाशित

ईलाम, ३१ जेठ । भाइरल प्रकोप फैलिएको इलाम जिल्लाको जोगमाईमा हिजो एकजनाको मृत्यु भएको छ । भाईरल प्रभावित क्षेत्रमा निमोनियाका कारण जोगमाई–७ घर भई वडा–२ मा बस्दै आएका ७० वर्षका मनबहादुर राईको मृत्यु भएको हो । जोगमाईमा एकसातादेखि भाईरल फैलिएको छ । भाइरल लागेका राईको उपचार हुन नसक्दा मृत्यु भएको स्थानीयले बताएका छन् । जोगमाईको वडा नम्वर २ र ७ मा टाउको दुख्ने, रिङ्गटा चल्ने, ज्वरो आउने, वान्ता हुने जस्ता समस्याले दुई सय जनाभन्दा बढी विरामी परेको स्थानीय भक्तबहादुर राईले बताउनुभयो । तर, जिल्ला स्वास्थ्य कार्यालयका छवि खतिवडाले भने त्यहाँ १५–२० जनामा मात्रै भाइरल भएको दाबी गरेका छन् । एक सातादेखि भाइरल फैलिए पनि स्वास्थ्य कार्यालयले त्यसतर्फ हिजो मात्रै स्वास्थ्यकर्मीको टोली पठाएको थियो । कार्यालयले सिनियर अहेव पुण्यमणी तिम्सिनाको नेतृत्वमा दुईजनाको स्वास्थ्यकर्मी  औषधिसहित खटाएको छ । तर, टोली भने यातायातको अभावमा रोग प्रभावित क्षेत्रमा अहिलेसम्म पुगेको छैन ।  प्रभावित क्षेत्रमा जानको लागि यातायात असहजताका कारण प्रभावित क्षेत्रमा तत्काल पुग्न समस्या भएको तिम्सिनाले बताउनुभयो ।

प्रतिक्रिया
सम्बन्धित खवर

काठमाडौँ ।सरकारले पेट्रोलको २० र डिजेलको २९ रुपैयाँ मूल्य घटाउने घोषणा गरेको छ । शनिबार अयोजित आकस्मिक पत्रकार सम्मेलनमा उद्योग

गत जेठ २३ गते बर्दियाको मधुवन नगरपालिका–२ छोट्की सोनाहा गाउँकी ४१ वर्षीया अस्मिता थारुलाई चितुवाले आक्रमण गरी घाइते बनाएपछि आक्रोशित

काठमाडौँ। प्रहरीले पछिल्लो समयमा सामाजिक सञ्जाल तथा विभिन्न माध्यम प्रयोग गरी प्रलोभन दिएर ठगी गर्ने कार्य बढिरहेको भन्दै त्यसतर्फ सचेत

बाँके । नेपालगञ्ज-१० स्थित बाँके जिल्ला कारागारमा क्षमताभन्दा बढी कैदीबन्दी रहेका छन् । क्षमताभन्दा बढी राखिएपछ उनीहरुको सुरक्षा चिन्ता र