काङ्ग्रेस केन्द्रीय समितिको बैठक आज पनि

३१ जेष्ठ २०६९, बुधबार ०८:५२ मा प्रकाशित


काठमाडौ, ३१ जेठ । आन्तरिक विवाद समाधान हुने भएपछि नेपाली काङ्ग्रेस असन्तुष्ट देउवा पक्षले आज बस्ने केन्द्रीय समिति बैठकमा भाग लिने भएको छ । केन्द्रीय समितिको बैठक बिहान ११ बजेपछि पार्टी कार्यालय ललितपुरको सानेपामा बस्दै छ । पार्टीको भ्रातृ संस्थाहरूको विषयमा पार्टीमा देखिएको १० महिनादेखिको विवाद साम्य हुने भएको छ । संस्थापन पक्षले एकपक्षीय रूपमा भ्रातृ संस्था विस्तारको घोषणा गरेको भन्दै सन्तुष्ट देखिएको देउवा पक्षले हिजो नेवि सङ्घ, तरुण दल र महिला सङ्घमा थपिने आफ्नो पक्षका सदस्यहरूको नामावली बुझाएको थियो । देउवा पक्षबाट उपलब्ध नामावलीको आधारमा सभापति सुशील कोइरालाले आज भ्रातृ संस्थाहरूको कार्यसमिति विस्तारको घोषणा गर्नुहुने छ । संस्थापन पक्षले घोषणा गरेको १ सय १ कार्यसमितिमा आफ्नो पक्षको जम्मा २८ मात्रै परेको भन्दै वरिष्ठ नेता शेरबहादुर देउवाले असहमति जनाउँदै आउनुभएको थियो । यसअघि केन्द्रीय समितिको बैठकमा हिजै सहभागी हुने भनिए पनि आन्तरिक तयारी नपुगेकोले देउवा पक्ष बैठकमा सहभागी भएको थिएन ।

प्रतिक्रिया
सम्बन्धित खवर

काठमाडौँ । कर्मचारी समायोजनसम्बन्धी विवादमा सर्वोच्च अदालतको फैसला सार्वजनिक भएसँगै लोकसेवा आयोगलाई सम्पूर्ण परीक्षा सञ्चालन गर्न बाटो खुलेको छ ।

काठमाडौँ । नेपाली कांग्रेसका नेता प्रदीप गिरीको निधन भएको छ । क्यान्सर रोगबाट पीडित नेता गिरीको आज राति ९:३० बजे

काठमाडौँ । देशभर आंशिकदेखि सामान्य बदली रही तीन प्रदेशमा भारी वर्षा हुने भएको छ । जल तथा मौसम विज्ञान विभागका

काठमाडौँ । काठमाडौँको बालाजुमा रहेको जुत्ता कारखानामा आगलागी भएको छ ।काठमाडौँ महानगरपालिका–१६ बालाजु बाइपास नजिकको एक घरमा केहीबेर अगाडि आगलागी