एमालेका असन्तुष्ट जनजाति नेताहरुले लिखित धारणा पेश

काठमाडौ, ३० जेठ । नेकपा एमालेका असन्तुष्ट जनजाति नेताहरूले लिखित रूपमा आफ्नो धारणा पार्टी नेतृत्वसमक्ष पेश गरेको छ । आदिवासी जनजातिको मुद्दामा पार्टीको धारणासँग आपत्ति जनाउँदै आएका नेताहरूसँग आज नेतृत्वले छलफल गरेको छ ।  छलफलका क्रममा उनीहरूले आफ्नो धारणा लिखित रूपमा प्रस्तुत गरेको पोलिटब्यूरो सदस्य विजय सुब्बाले जानकारी दिनुभयो । जनजाति नेताहरूको प्रस्तावमाथि पार्टी नेतृत्व पुनर्विचार गर्ने सङ्केत दिएको पनि जनजाति नेताहरूले बताएका छन् । जातीय मुद्दामा पार्टीमा देखिएको विवादबारे वृहद् रूपमा छलफल गर्न एमालेले असार ४ र ५ गते राष्ट्रिय भेला बोलाएको छ ।