काङ्ग्रेस केन्द्रीय समितिको बैठकमा देउवा पक्ष अनुपस्थित

३० जेष्ठ २०६९, मंगलवार १८:३५ मा प्रकाशित

काठमाडौ, ३० जेठ । नेपाली काङ्ग्रेसको आज बसेको बैठकमा पनि देउवा पक्षले भाग लिएन । आजको बैठकमा भ्रातृसंस्थाहरूको विषयमा देखिएको विवादलाई समाधान गर्ने भनिएको थियो । देउवा पक्षले भ्रातृसंस्थामा रहनेहरूको नामावली नबुझाएकोले बैठकमा यो विषयमा छलफल हुन नसकेको केन्द्रीय सदस्य गगन थापाले जानकारी दिनुभयो । थापाका अनुसार देउवा पक्षमा पनि भ्रातृसंस्थाको विषयमा मतैक्यता हुन सकेको छैन । आज बसेको काङ्ग्रेस बैठकले तरुण दल चितवनका तत्कालीन शिव पौडेलको हत्या हुनुमा चितवन काङ्ग्रेस सभापति विकास कोइरालाको कमजोरी देखिएकोले उहाँसँग स्पष्टीकरण लिइने निर्णय भएको छ ।
यसैबीच सरकारले ल्याउन लागेको अध्यादेशका विरोधमा थप रणनीति बनाउनका लागि काङ्ग्रेस एमालेलगायतका प्रतिपक्षी दलहरूको बैठक काङ्ग्रेस केन्द्रीय कार्यालय सानेपामा केहीबेर अघि सुरु भएको छ । सरकारले अध्यादेशमार्फत् बजेट ल्याउने तयारी गरेकोमा प्रतिपक्षीहरूले काम चलाउ सरकारलाई यसरी बजेट ल्याउन नदिन दबाब दिने निर्णय गरिसकेका छन् । थप रणनीति बनाउन प्रतिपक्षी दलहरूको बैठक आज फेरि बसेको हो ।

प्रतिक्रिया
सम्बन्धित खवर

काठमाडौँ । कर्मचारी समायोजनसम्बन्धी विवादमा सर्वोच्च अदालतको फैसला सार्वजनिक भएसँगै लोकसेवा आयोगलाई सम्पूर्ण परीक्षा सञ्चालन गर्न बाटो खुलेको छ ।

काठमाडौँ । नेपाली कांग्रेसका नेता प्रदीप गिरीको निधन भएको छ । क्यान्सर रोगबाट पीडित नेता गिरीको आज राति ९:३० बजे

काठमाडौँ । देशभर आंशिकदेखि सामान्य बदली रही तीन प्रदेशमा भारी वर्षा हुने भएको छ । जल तथा मौसम विज्ञान विभागका

काठमाडौँ । काठमाडौँको बालाजुमा रहेको जुत्ता कारखानामा आगलागी भएको छ ।काठमाडौँ महानगरपालिका–१६ बालाजु बाइपास नजिकको एक घरमा केहीबेर अगाडि आगलागी