सडक निर्माणमा खटेको सेनाको जिप दुर्घटना एक को मृत्यु ५ गम्भिर

३० जेष्ठ २०६९, मंगलवार ११:४१ मा प्रकाशित

रुकुम ३० जेठ । मंगलवार विहान नेपाली सेनाको जीप दूर्घटना हुँदा १ जनाको मृत्यु भएको छ । ५ जना  घाइते भएका छन् । घाइते मध्ये सेनाका जमदार कुमार भण्डारी सहीत ३ जनाको अवस्था गम्भिर रहेको जिल्ला प्रहरी कार्यालय रुकुमले जनाएको छ । दि फेमस महिन्दादल गणको  साँख गाविसको घोरखानीमा रहेको नेपाली सेनाको बाटो काजको  अस्थायी क्याम्पवाट रुकुमकोट गाविस जाँदै गर्दा रुकुमकोट गाविस १ रानीकोटमा वा.१ ज.६३०६ नं.को जीप दूर्घटना भएको हो । दूर्घटनामा परि काभ्रे घर भएका नेपाली सेनाका  सिपाही आशाराम  तामांङको घटना स्थलमै मृत्यु भएको जिल्ला प्रहरी कार्यालय रुकुमका प्रहरी निरीक्षक निरञ्जन थापाले जानकारी दिए । गम्भीर घाइतेहरुमा  बाटो निर्माणको ठेकेदारका एकै घरका ३ जना र सेनाका ३ जना रहेका छन् । ठेकेदार शेर बहादुर थापा,उनका दाइ मोतिराम थापा नवराज थापा र धनसरी थापा रहेका छन । घाइतेहरुलाई थप उपचारका लागि  सेनाको हेलिकप्टर मार्फत  काठमाडौ लैजाने  तयारी भइरहेको छ । घाइतेहरुको अहिले रुकुमकोट स्वास्थ्य चौकीमा उपचार भईरहेको स्थानिय शिक्षक बलबहादुर शाहिले बताए । नेपाली सेना, प्रहरी र स्थानीय वासिन्दाको पहलमा उद्दार गरिएको छ । जीप दूर्घटनाको कारण थाहा हुन सकिरहेको छैन् । जीप सडकवाट अनियन्त्रित भई करिव २ सय मिटर तल खसेको बताइएको छ ।   तिन वर्ष अगाडीदेखी निर्माण थालिएको मुसिकोट–बुर्तिवाङ सडक खण्ड अन्र्तरगत निर्माण थालिएको उक्त सडक मध्य पहाडी लोकमार्ग अन्तरगत निर्माण थालिएपछी नेपाली सेनाले आफ्नो काम सम्पन्न गर्ने तयारी गर्दे थियो ।  बिहान बाटोमा बिग्रेको डोजर मर्मतको सामान लिएर जादै गरेको जीप दुर्घटना भएको हो ।

प्रतिक्रिया
सम्बन्धित खवर

काठमाडौं । साउन १५ गते आज नेपाली समाजमा खिर खाएर मनाइँदै छ । वर्षा ऋतुका बेला असार १५ गते दही,

सर्लाही । सर्लाहीको ब्रह्मपुरी गाउँपालिका–३ भेल्हीस्थित निजी पोखरीमा डुबेर मृत्यु भएको अवस्थामा नौ दिनको शिशुसहित तीन जनाको शव फेला परेको

काठमाडौं । सिन्धुलीगढीमा नेपाली सेनाले शुरु गरेको युद्ध सङ्ग्रहालयको निर्माण सम्पन्न भएको छ । युद्ध सङ्ग्रहालयको आज राष्ट्रपति विद्यादेवी भण्डारीले

काठमाडौं । चितवनमा दैनिक पाँच हजार रुपैयाँ दिएर यौन धन्दामा लगाइएका १० जनाको उद्धार गरिएको छ । प्रहरीका अनुसार चितवनको