विपक्षी दलहरुले अध्यादेश प्रमाणिकरण नगर्न राष्ट्रपतिको ध्यानआकर्षण गराउने, राष्ट्रपति पनि छलफलमा

३० जेष्ठ २०६९, मंगलवार १०:१७ मा प्रकाशित

काठमाडौ, ३० जेठ । बजेटका लागि सरकारले ल्याउने अध्यादेश प्रमाणिकरण नगर्न विपक्षी दलहरुले आज राष्ट्रपतिको ध्यानआकर्षण गराउने भएका छन् । नेपाली काङ्ग्रेस र नेकपा एमाले लगायत विभिन्न दलको हिजो बसेको संयुक्त बैठकको निर्णय अनुसार आज अध्यादेश जारी नगर्न राष्ट्रपतिसमक्ष ज्ञापनपत्र दिन लागेका हुन् । सरकारले राष्ट्रपति समक्ष विभिन्न तीनवटा अध्यादेश जारी गर्न सिफारिस गरिसकेको छ । सरकार कामचलाउ भइसकेको सन्दर्भमा राष्ट्रिय सहमतिविना कुनै पनि अध्यादेशको सिफारिस गर्न नहुनेमा विपक्षी दलहरुको जोड रहेको छ । आज दिउँसो राष्ट्रपति निवासमा पुगेर ध्यानआकर्षण सहितको ज्ञापनपत्र बुझाइने राप्रपाका अध्यक्ष पशुपति समशेर जबराले जानकारी दिनुभयो । नेपाली काङ्ग्रेस र नेकपा एमाले सहितका विपक्षी दलहरुको बैठक आज पनि बस्ने छ । थप आन्दोलनका कार्यक्रम ल्याउने विषयमा छलफल गर्न साँझ ५ बजे बैठक बस्ने नेताहरुले बताएका छन् ।
यसैवीच संसद नभएको अवस्थामा सरकारले अध्यादेश मार्फत ल्याउने बजेटका विषयमा छलफल गर्न राष्ट्रपति डाक्टर रामबरण यादवले अर्थविद्हरुसँग छलफल गर्दैहुनुहुन्छ । अहिले बिहान छलफलका लागि एक दर्जन बढि अर्थविद्हरुलाई राष्ट्रपति कार्यालयमा बोलाइएको छ । विपक्षी दलहरुले अध्यादेश प्रमाणिकरण नगर्न गराएको ध्यानआकर्षण, सरकारले अध्यादेश बाट ल्याउन खाजेको बजेटका बीषयमा छलफल गर्ने र उचित निकासको बाटो खोज्ने बारेमा राष्ट्रपति यादवले सुझाव माग्ने उहाँको निजी सचिवालयले जनाएको छ ।

प्रतिक्रिया
सम्बन्धित खवर

बुटवल । गत शुक्रबारबाट सम्पर्कविहीन भएकी लुम्बिनी प्रदेशसभा सदस्य विमलाकुमारी खत्री वलीको अदृष्य स्थानबाटै प्रेस विज्ञप्ति बाहिर आएको छ ।

जनकपुरधाम । महोत्तरीको लोहरपट्टी नगरपालिका ७ भ्रमरपुराकी २६ वर्षीया सुजिता ठाकुर हत्या मुद्दामा उनका बुबासहित थप तीनजनालाई प्रहरीले पक्राउ गरेको

काठमाडौं । दार्चुलाको महाकाली नदीमा व्यास गाउँपालिका–२ का जयसिंह धामी बेपत्ता भएको घटनालाई लिएर युवा संघले काठमाडौंस्थित भारतीय राजदूतावासको कार्यालय

बुटवल । लुम्बिनी प्रदेशका मुख्यमन्त्री शंकर पोखरेलले माओवादी केन्द्रका अध्यक्ष पुष्पकमल दाहाल प्रचण्डका कारण देशमा राजनीतिक संकट उत्पन्न भएको आरोप