संविधानसभाको बैठक एक सातालाई स्थगित

२३ चैत्र २०७१, सोमबार १७:४९ मा प्रकाशित

काठमाण्डौ चैत्र २३ । करीव दुई महिनापछि आज बसेको संविधानसभा बैठक शोक प्रस्ताव पारित गरेर पून: एक हप्ताका लागि स्थगित भएको छ ।
एमाले नेता तथा राज्य व्यवस्था समितिका पूर्व सभापति रामनाथ ढकाल र पूर्व गृहराज्यमन्त्री तथा सभाषद महेन्द्र यादवको निधनमा अलग अलग शोक प्रस्ताव पारित गर्दै बैठक स्थगित भएको हो ।
ऋाजको बैठकमा विपक्षी दलहरुको पनि सहभागिता रहेको थियो ।
संविधानसभा अध्यक्ष सुवास नेम्वाङले बैठकको शुरुमै पूर्व गृहराज्यमन्त्री यादव र पूर्व सांसद तथा राज्य व्यवस्था समितिका पूर्व सभापति ढकालको निधनमा शोक प्रस्ताव पढेर सुनाउनु भएको थियो ।
२०५१ सालमा गुल्मी क्षेत्र नम्बर १ बाट प्रतिनिधिसभा सदस्य निर्वाचित भएका र २०६४ मा रुपन्देही ५ बाट संविधानसभा सदस्य निर्वाचित भएका ढकालको हिजो निधन भएको थियो ।
त्यसतै २०४८ र २०५१ मा महोत्तरी १ बाट नेपाली कांग्रेसबाट प्रतिनिधिसभा सदस्य निर्वाचित भएका यादवको चैत १७ गते निधन भएको थियो ।
यसैबीच संविधानसभा अध्यक्ष नेम्वाङले संविधानसभाको अर्को बैठक चैत ३० गते बोलाउनु भएको छ ।

प्रतिक्रिया
सम्बन्धित खवर

चितवन । नेपाली कांग्रेसका महामन्त्री डा. शशाङ्क कोइरालाले नेपाल कम्युनिष्ट पार्टी (नेकपा) को दाहाल–नेपाल समूहसँग मिलेर जानुपर्ने धारणा राखेका छन्।

काठमाडौँ । नेपाली काँग्रेसले संसदीय दलको बैठक बोलाएको छ । आगामी शुक्रवार दिउँसो १ बजे संघीय संसद् भवन नयाँबानेश्वरस्थित ल्होत्से

काठमाडौँ । सरकार र विप्लव समूहबीचको औपचारिक वार्ता आजदेखि सुरु भएको छ । आज बिहान दुवै समूहको पहिलो चरणको औपचारिक

काठमाडौं । नेपाल कम्युनिष्ट पार्टी (नेकपा) दाहाल-नेपाल समूहले आज बुधबार दिनभर बैठकैबैठक राखेका छन् । कसरी अघि बढ्दा प्रधानमन्त्री ओलीलाई