युगकवि सिद्धिचरण श्रेष्ठको सम्झनामा अन्तक्रिया

२९ जेष्ठ २०६९, सोमबार २२:५५ मा प्रकाशित

धर्मराज अधिकारी, बेलायत । युगकवि सिद्धिचरण श्रेष्ठको सतवार्षिकीको अवसरमा साहित्य विकास परिषद् युकेले एक अन्र्तक्रिया कार्यक्रमको आयोजना गर्यो । परिषद्का अध्यक्ष खगेन्द्र नेपालीको अध्यक्षतामा आइतबार वेम्ली तन्दुरी रेष्टुरेण्टमा सम्पन्न अन्तक्रिया कार्यक्रमको उद्घाटन बेलायतका लागि नेपाली राजदुत डा. सुरेशचन्द्र चालीसेले गरेका थिए । नेपालमा मात्र नभइ नेपाल वाहिर पनि ख्याती कमाएका कवि सिद्धिचरण श्रेष्ठको फोटोमा माल्र्यपण गर्न वेलायतमा रहेका नेपाली साहित्यकारहरुको बाक्लो सहभागिता रहेको थियो ।

कार्यक्रममा प्रमुख अतिथि राजदुत डा सुरेशचन्द्र चालीसेले परिषद् नेपाली साहित्यको विकासमा डटेर लागेकोप्रति खुशी व्यक्त गरे । उनले नेपाली कला र संस्कृतिको जगेर्ना गर्नु हामी सबै नेपालीहरुको कर्तव्य र दायित्व भएको बताए ।

एनआरएन युकेका अध्यक्ष कुल आचार्यले नेपाली साहित्य विकास परिषदको नयाँ नेतृत्वसंग एनआरएनले धेरै अपेक्षा गरेको बताए । उनले एनआरएन नेपालमा लगानीको वातावरण बनाउन लागिपरेको बताउंदै त्यसमा प्रवासी नेपालीहरुको सहभागिता आवश्यक रहेकोमा जोड दिएका थिए ।

महासचिव डा. सुधा श्रेष्ठद्धारा सञ्चालन गरीएको कार्यक्रममा कवयत्री शुशिला कार्कीले स्वागत मन्तव्य दिएकी थिइन । कार्यक्रम माथि प्रकाश पार्दै परिषद्का संस्थापक सुरेशजंग शाहले समाजको चिरफार गर्दै धारा प्रवाह कविता लेख्ने कवि सिद्धिचरण आफैमा महान कवि भएको बताए ।

सो परिषद्का पुर्व अध्यक्ष हरिसिंह थापा, कोसेलीका मदन थापा, परिषद्का उपाध्यक्ष ध्रुब केसी, नेपाली प्रतिभा प्रतिष्ठानका अध्यक्ष रक्षा राई, अन्तराष्ट्रिय साहित्यिक समाजका होम परिवाग, यति नेपाली समाजका उमेश मोक्तान लगायतको सहभागिता रहेको थियो ।

कार्यक्रमको अन्त्यमा सहभागि भएका साहित्यकारहरुले आफ्ना साहित्यिक रचनाहरु सुनाएका थिए ।

प्रतिक्रिया
सम्बन्धित खवर

सरकारले ३० वैशाखमा स्थानीय तहको चुनावको मिति घोषणा गरेको छ। स्थानीय तहको चुनाव नजिकिँदै गर्दा कांग्रेसका सभापति तथा प्रधानमन्त्री शेरबहादुर

ताप्लेजुङ । माङ्गेना अनलाइन टिभीको प्रस्तुति रहेको ‘पालाम’को शनिवार ताप्लेजुङ सदरमुकाम फुङ्लिङमा विमोचन गरिएको छ । माघे संक्रान्ति अर्थात् कक्फेक्वा

काठमाडौँ । २०७७ सालको मदन पुरस्कार भगिराज इङनामको लिम्बुवानको ऐतिहासिक दस्तावेज सङ्ग्रह (सम्वत् १७१९-२०२०) ले पाएको छ ।मदन पुरस्कार गुठीले

नुवाकोट स्थायी घर भई काठमाडौँमा रहेर साहित्य सिर्जनामा सक्रिय सर्जकको संस्था त्रिशूली वाङ्मय प्रतिष्ठानको बाह्रौँ साधारणसभाले आगामी दुई वर्षका लागि