ठूलो परिमाणको लागुऔषधसहित पाँच जना पक्राउ

२८ जेष्ठ २०६९, आईतवार १७:५६ मा प्रकाशित

काठमाडौ, २८ जेठ ।  लागू औषध नियन्त्रण कानून कार्यान्वयन इकाई नयाँबानेश्वरबाट खटिएको अप्रेशन समूहले लागू औषध चरेश (चिप्पड) २ हजार ६ सय ४० किलोग्राम सहित ५ जनालाई पक्राउ गरेको छ ।
पक्राउ पर्नेहरुमा मकवानपुर जिल्ला सरिखेत पलासे–२ घर बताउने २९ बर्षीय हस्त बहादुर रुम्बा, २१ बर्षीय चन्द्र बहादुर गोले, सोही गाविस–७ घर बताउने २८ बर्षीय कुमार लामा ,मकवानपुर जिल्ला मनहरी–५ घर बताउने २९ बर्षीय तिर्थ बहादुर राई र सोही गाविस–३ घर बताउने २२ बर्षीय बिरे लामा रहेका छन् ।
उनीहरुलाई प्रहरीले जेठ २७ गते काठमाडौ जिल्ला सेतीदेवी गाविस–९ चाल्नाखेलबाट ८८ वटा सेतो प्लाष्टिकको बोरा भित्र प्याकिङ गरी लुकाई छिपाई राखेको अवस्थामा उक्त चरेश(चिप्पड) सहित फेला पारेको थियो ।
उक्त बरामद अवैध लागू औषध चरेश (चिप्पड) उक्त इकाईबाट पक्राउ परेको चरेशहरु मध्ये हाल सम्मकै सवैभन्दा ठूलो परिमाण भएको आज आयोजित पत्रकार सम्मेलनमा जानकारी दिइएको थियो । पक्राउ परेका व्यक्तिहरु विगत लामो समयदेखि लागू औषध कारोवारमा संलग्न रहेको र निजहरुले स्थलमार्ग हुदै भारत लगायत अन्य मुलुकहरुमा कारोवार गर्ने गरेको प्रारम्भिक अनुसन्धानबाट खुल्न आएको छ ।
मकवानपुर ः डाँडाखर्क गाविस–४ बस्ने ४३ बर्षीय गौरीशंकर मोक्तान , ३३ बर्षीय ईन्द्रबहादुर थिङ ,३० बर्षीय प्रताप सिंह थिङ र अक्कल बहादुर थिङलाई प्रहरीले लागू औषध गाँजा ६० के.जी. सहित पक्राउ गरेको छ ।
मनहरी–७ ज्यामिरेमा प्रहरीले उनीहरुलाई आज ०५ः०० बजे शंकास्पद अवस्थामा फेला पारी चेकजाँच गर्दा उनीहरुको साथबाट उक्त गाँजा बरामद भएको थियो ।

प्रतिक्रिया
सम्बन्धित खवर

कोराना रोकथाम तथा नियन्त्रण गर्न नलगाड नगरपालिका–८ हल्चौरमा देवीलाई बलि ( बोका) चढाइएको छ । शनिबार दिउँसो गाउँलेहरु जम्मा भएर

गत वर्ष कोरोना सङ्क्रमणको दर तीव्र भएका बेला दैलेखमा आइसीयू र भेन्टिलेटर जडान भयो । तीनवटा आइसीयू र दुईवटा भेन्टिलेटरका

काठमाडौं । ईस्लाम धर्मावलम्वीहरूको महान पर्व रमजान आज धुमधामसँग मनाउने तयारीमा जुटेका छन् । यो पर्वलाई ‘इद उल फित्तर’ भनिन्छ

एक महिनाअघि वैदेशिक रोजगारीका क्रममा खाडी मुलुक दुबई पुगेका झापा, कमल गाउँपालिकाका चार युवा अलपत्र परेका छन् । स्थानीय दलालमार्फत