सुरक्षित आवागमनका लागि इ भिसा लागू गर्ने गृहमन्त्रीको भनाइ

काठमाण्डौ चैत्र १३ । उपप्रधानमन्त्री तथा गृहमन्त्री वामदेव गौतमले अध्यागमन विभागलाई आधुनिकीकरण गर्न तथा सुरक्षित आवागमनका लागि इ भिसा (अनलाइन प्रवेशाज्ञा) प्रणाली कार्यान्वयन गर्न लागिएको बताउनुभएको छ ।
नेकपा एमाले सञ्चार इलाका परिषद्को बैठकको उद्घाटन गर्दै उपप्रधानमन्त्री गौतमले त्यस्तो प्रणाली स्थापित भएमा नक्कली प्रवेशाज्ञाको प्रवृत्ति न्यून हुने ठानेर प्रवेशाज्ञाको अन्तिम अनुमति अध्यागमन विभागले नै गर्ने स्पष्ट पार्नुभयो ।
नयाँ प्रणाली सञ्चालन गर्नेसम्बन्धी प्रस्ताव मन्त्रिपरिषद्को पूर्वाधार विकास समितिमा विचाराधीन छ भने सो सम्बन्धमा विभिन्न संसदीय समितिमा छलफल भइरहेको गौतमले बताउनुभयो ।