दुवै आयोजक राष्ट्र फाइनलमा, उपाधि भीडन्त मार्च २९

१२ चैत्र २०७१, बिहीबार १७:२२ मा प्रकाशित

काठमाण्डौ चैत्र १२ । विश्वकप क्रिकेटमा आज भएको दोश्रो सेमिफाइनलमा अष्ट्रेलियाले भारतलाई ९५ रनले पराजित गर्दै फाइनलमा प्रवेश गरेको छ ।
सिड्नी मैदानमा टस जितेर पहिला ब्याटिङ गरेको अष्ट्रेलियाले पूरै ५० ओभर खेल्दे ७ विकेट गुमाएर ३ सय २८ रन बनाएको थियो ।
३ सय २९ रनको लक्ष्य पछ्याएको भारत ४६.५ ओभरमा अल आउट हुँदै २ सय ३५ रनमा समेटियो ।
ओपनर शिखर धवन व्यक्तिगत ४५ रनका आउट भए भने भरपर्दा व्याट्सम्यान विराट कोहली १३ बलमा १ रन मात्रै बनाएर पेलेभियन फर्किए । अर्का ओपनर रोहित शर्मा पनि ४८ बल खेलेर ३४ रन बनाएर आउट भएका थिए । यस्तै आजिक्या रहाने, रबिन्द्र जडेजा पनि सस्तैमा आउट भएका थिए ।
यसअघि १५ रनमै पहिलो विकेट गुमाएको अष्ट्रेलियाका लागी एरोन फिन्च र स्टेफन स्मिथले दोश्रो विकेटका लागि १ सय ८२ रनको साझेदारी गरेका थिए ।
स्मिथले ९३ बलमा १ सय ५ र फिन्चले १ सय १६ बलमा ८१ रन बनाए ।
यस्तै अष्ट्रेलियाका शेन वाट्सनले २८, मिचेल जोन्सनले अविजित २७, ग्लेन म्याक्सवेलले २३, जेम्स फङकरले २१, डेविड वार्नरले १२, कप्तान माइकल क्लार्कले १० र विकेट किपर ब्य्राड ह्याडिनले ७ रन बनाए ।
भारतका लागी उमेश यादवले ४, मोहित शर्माले २ र रविचन्द्र आश्विनले १ विकेट लिए ।
फाइनलमा अब अष्ट्रेलियाले उपाधीका लागि न्यूजिल्याण्डसँग मार्च २९ अर्थात आइतबार प्रतिष्पर्धा गर्नेछ ।

प्रतिक्रिया
सम्बन्धित खवर

काठमाडौँ । सरकार केही दिनमै नागरिकतासम्बन्धी विधेयक संसद्मा पेस गर्ने तयारीमा रहेका बेला प्रमुख प्रतिपक्षी एमालेले त्यसलाई अस्वीकार गर्ने जनाएको

काठमाडौं । अष्ट्रेलियाका थानासी कोक्किनाकिसलाई हराउँदै साविक विजेता नोभाक जोकोभिचले विम्बल्डन टेनिसको तेस्रो चरणमा प्रवेश गरेका छन् । बुधबार राति

काठमाडौँ । नेपाली राष्ट्रिय क्रिकेट टोली आउँदो सेप्टेम्बरमा अस्ट्रेलिया भ्रमणमा जाने भएको छ । नेपाल क्रिकेट सङ्घ (क्यान) र रोयल

काठमाडौँ । इटालियन क्लब इन्टर मिलानले बेल्जियमका फरवार्ड रोमेलु लुकाकुलाई लोनमा अनुबन्ध गरेको छ । लुकाकु एक सिजनपछि लोनमा इन्टर