सिक्किममा गएको पहिरोमा परी सात नेपाली भाषिको मृत्यू

काठमाडौ, २६ जेठ ।  भारतको सिक्किममा विहीवार राति पहिरो जाँदा एक घरका तीनसहित ७ जना नेपालीभाषिको मृत्यु भएको छ । पूर्वी सिक्किमको नाथाङ–माओङ क्षेत्रमा पहिरो जाँदा ७ नेपालीभाषीको मृत्यु भएको भारतीय संचारमाध्यमहरुले जनाएका छन् ।
अविरल वर्षापछि गएको पहिरोले त्यस क्षेत्रको ८ वटा घर वगाएको थियो । सिक्किम प्रहरीलाई उद्धृत गर्दै नेपाली दैनिक अखवार हिमालय दर्पणले जनाएअनुसार पहिरोमा परी एकै परिवारका दिलमान, मणिमाया र टीका राईसहित महेन्द्य्र राई, नेहाल राई, चन्द्रकुमारी राई र मोहन राईको मृत्यु भएको हो । यसअघि गतवर्ष पश्चिम सिक्किममा गएको पहिरोमा परी १३ जना नेपालीभाषिले ज्यान गुमाएका थिए ।