मृगौला पिडित परियारलाई कतारबाट ४ लाख सहयोग

१ चैत्र २०७१, आईतवार १०:५० मा प्रकाशित

गणेश प्रसाद बन्जाडे , दोहा । बैदेशिक रोजगारीको शिलशिलामा विगत २२ महिना देखी कतारमा कार्यरत पोखरा रानिपौवाका २१ बर्षिय सुवास परियारको दुबै मृगौला खराब छन । काम गर्दै जादा कोखो दुखेर वर्का स्थित कतारको सरकारी अस्पतालमा स्वास्थ्य परिक्षणका लागी पुगेका उनले दुबै मृगौला खराब भएको थाहा पाए । उनी नेपाल फर्किसकेका छन । गत फेब्रवरी १३ तारिकका दिन नेपाल र्फकेका हुन ।
Doha Support 2उनी हाल पोखरा स्थित मणिपाल अस्पतालमा उपचारार्थ छन । उनको पारिवारीक अवस्थालाई मध्यनजर गर्दै कतारमा विभिन्न माध्यमबाट उनको उपचारका लागी सहयोग जुटाईएको छ । गत १३ तारिक शुक्रवारका दिन दोहाको टपर्फम रेष्टुरेन्टमा पत्रकार सम्मेलन गरी दलित एकता सन्जाल एनसिसी कतारले परियारको सहयोगका बारेमा जानकारी दिइएको थियो । एनसिसी कतारबाट रु ४ लाख ४ हजार ६१ दलित एकता सन्जाल अन्तराष्ट्रिय सम्वन्य समितीका सदस्य विष्णु बहादुर गुप्ताको नाममा नेपाल पठाइएको छ ।
मृगौला रोगी परियारको उपचारका लागी दलित एकता सन्जालका कृष्ण बिश्वकर्माको संयोजकत्वमा सहयोग अभियान शुरु गरिएको थियो । सहयोग अभियानमा सदस्यहरु बिरेन नेपाली , क्षितिज किरण नेपाली , ईन्द्र लावर , लोक नेपाली , अशोक बि.क र कृष्ण परियार रहेका थिए । परियारको उपचारमा टेवा पुर्याउने उद्धेश्य अनुरुप सहयोग संकलन गरिएको पत्रकार सम्मेलनमा बताईयो । पत्रकार महासंघका निर्वतमान अध्यक्ष रबि रोषीले परियारको सहयोगका लागी कलम चलाएका हुन । रोषीले पिडितको बारेमा समाचार लेखेका थिए । उनको समाचारपछी सहयोगी हातहरु जुट्ने क्रम बढेको हो ।
दलित एकता सन्जाल कतारले आयोजना गरेको उक्त पत्रकार सम्मेलनमा जनप्रगतीशिल मन्चका अध्यक्ष होमनाथ शर्मा , सल्लाहकार रमेश भट्ट , पत्रकार महासंघ कतार शाखाका अध्यक्ष गणेश प्रसाद बन्जाडे ,महासंघका प्रमुख सल्लाहकार रवि रोषी , पर्वत युवा सेवा समाजका दिल कुमार श्रेष्ठ , पत्रकारहरु अजिज अली ,नवराज बि.क, एमपी पोखरेल लगायतको उपस्थिती रहेको थियो । सहयोग अभियानमा पर्वत युवा सेवा समाज , कास्की आदर्श सेवा समाज , विश्वकर्मा सेवा समाज , जनप्रगतीशिल मन्च , प्रवासी झापाली मन्च लगायतका संघ संस्था तथा सहयोगीहरुले समेत रकम संकलन गरिएको सम्मेलनमा जानकारी दिईयो ।
Doha support 1दलित एकता समाजले विगतका दिनहरुमा पनी परोपकारी कार्य गर्दै आईरहेका विविध गतिबिधीहरुलाई कार्यक्रममा प्रष्ट पारियो । साथै यस अभियानमा सहयोग गर्ने सबै सहयोगीहरु प्रती संस्थाले कृतज्ञता प्रकट गरेको थियो ।

प्रतिक्रिया
सम्बन्धित खवर

भियना ।नेपाली साहित्यकार समूहले बिश्वभरका नेपालीभाषी साहित्यकारहरूलाई जोडेर रचना वाचन तथा सरस्वति सम्मान कार्यक्रम सम्पन्न ग-यो। जुम प्रविधिको प्रयोग गरेर

पोर्चुगल । शम्भु सिलवाल छ वर्षयता पोर्चुगलमा हुनुहुन्छ । नेपालमा झ्याइँकुटी झ्याई टेलिशृङ्खलामा घिन्ताङे पात्रसँगै दोहोरी साँझ, भजन, लोकदोहोरी क्षेत्रमा

लन्डन । कोरोना सङ्क्रमणबाट अस्पताल भर्ना भएका एक नेपालीको उपचारकै क्रममा मस्तिष्काघातबाट मृत्यु भएको छ । ताप्लेजुङ जिल्ला सिकैँचामा स्थायी

कोरियामा काम गर्दै बचेको समयमा साहित्य सिर्जनामा रमाउने कवि सुष्मा रानाहँमाको नयाँ कविता कृति आमाको तासफोटो र दीपा मेवाहाङ राईको