मदजूरहरुको आन्दोलका कारण तामाकोसीको काम ठप्प

२९ फाल्गुन २०७१, शुक्रबार १६:४२ मा प्रकाशित

काठमाण्डौ फागुन २९ । आफूहरुले सेयर पाउनु पर्ने माग राखेर काम छाडेर मजदुर आन्दोलनमा उत्रिएपछि माथिल्लो तामाकोसी जलविद्युत आयोजनाका काम ठप्प भएको छ । सबै पक्षले जस्तै आफूहरुले पनि सेयर पाउनुपर्ने मागसहित आयोजनामा कार्यरत करिब ८ सय ५० जना नेपाली मजदूर काम छाडेर आन्दोलनमा उत्रेपछि आयोजनाको काम ठप्प भएको हो ।

सिनो हाइड्रो कम्पनी आबद्ध नेपाली मजदुरहरुले विद्युत आपूर्ति र सञ्चारमा काम गर्नेबाहेक चिनियाँ मजदुरलाई पनि काम गर्न दिएका छैनन् । यता मजदूरहरुको माग पूरा गर्न नसक्ने आयोजनाले बताएको छ ।
आयोजनाको स्वामित्व रहेको माथिल्लो तामाकोसी हाइड्रोपावर लिमिटेडको प्रबन्धपत्रमा मजदुरको लागि सेयरको व्यवस्था गरेको छैन ।
। लगानीकर्ता कम्पनीका कर्मचारी, सञ्चय कोषका सञ्चयकर्ता, विद्युत प्रधिकरणका कर्मचारी, दोलखा जिल्लावासी र सर्वसाधरण नेपालीका लागि मात्र सेयरको व्यवस्था गरेको छ ।
हडतालमा गोंगर स्थित भूमिगत पावर हाउसमा काम गर्ने सिनो हाइड्रो व्युरो ६ का २ सय ५० जना सामेल छन् ।
आयोजनाले चैत १ गतेदेखि दोलखा जिल्लावासीलाई सेयर हाल्न आव्हान गरेको छ । यसअघि फागुन ११ गतेदेखि गरिएको कर्मचारीहरुका लागि सेयर आव्हान कार्य जारी छ । चैत १५ गतेसम्मका लागि अन्तिम म्याद दिइएको छ ।
यता दोलखाका प्रत्येक व्यक्तिले पाउने भनिएको ७० कित्ता सेयरको अतिरिक्त पाउनुपर्ने माग गर्दै प्रभावित क्षेत्र सिंगटी आसपासका वासिन्दाले शुक्रबारदेखि परियोजनाको गाडी अबरोध गरेर आन्दोलन सुरु गरेका छन् ।

प्रतिक्रिया
सम्बन्धित खवर

काठमाडौं।उपत्यकाको सुरक्षा केन्द्र सरकार मातहत राख्ने विषयमा दलहरू विभाजित भएका छन् । सिंहदरवारस्थित राज्य व्यवस्था तथा सुशासन समितिको सभाकक्षा सोमबार भएको

झापा । पूर्वी नाका काँकडभिट्टा भएर कृषिजन्य वस्तुको निर्यातभन्दा आयात वढी भएको छ । चालु आर्थिक वर्षको ११ महिनामा सो

मुगु । नेपाल विद्युत प्राधिकरणले कर्णाली प्रदेशको मुगु जिल्लामा २९९० मिटर उचाइमा अवस्थित रारा ताल क्षेत्रमा विद्युत पुर्‍याएको छ ।

काठमाडौँ । मुलुकमा फेरि कोभिड–१९ का सङ्क्रमितहरूको सङ्ख्या दिनदिनै बढ्दै गएको अवस्थामा सङ्क्रमितलाई राख्न सकिने ‘होल्डिङ सेन्टर’ भने अझै निर्माण हुन