तेह्रथुममा १ सय १७ परीक्षार्थीले प्रवेशिका परीक्षा दिन नपाउने

काठमाण्डौ फागुन २९ । तेह्रथुमका १ सय १७ जना विद्यार्थी यस बर्षको एसएलसी परीक्षा दिनबाट बञ्चित हुने भएका छन् ।
पाँच सय रुपैयाँ परीक्षा शुल्क नतिरेको र ७५ प्रतिशत हाजिरी नपुगेकाले उनीहरु एसएलसी परीक्षा दिन बाट बन्चित भएको जिल्ला शिक्षा कार्यालयका परीक्षा शाखा प्रमुख लिलानाथ पोखरेलले बताउनुभयो ।
शिक्षा नियमावलीमा ७५ प्रतिशत हाजिर नपुगेकाले परीक्षा दिन नपाउने उल्लेख छ । गत बर्ष पनि जिल्लाबाट १ सय १४ जना यही प्रावधान अनुसार एसएलसी परीक्षा दिन बाट बन्चित भएका थिए ।
चैत्र ५ गतेबाट सुरु हुने परीक्षाका लागि तयारी अन्तिम पारिएको समेत कार्यालयले जनाएको छ ।
यस वर्ष पनि साविकका १५ वटा परीक्षा केन्द्रहरुमा उत्तर पुस्तिका पु¥याइसकिएको जिल्ला शिक्षा अधिकारी दीर्घध्वज चापागाईले बताउनुभयो ।