काग्रेस एमाले गठबन्धनमा २७ दल, भोली थप आन्दोलनको घोषणा गर्ने

२५ जेष्ठ २०६९, बिहीबार १५:२५ मा प्रकाशित

काठमाडौ, २५ जेठ । नेपाली काग्रेस र नेकपा एमालेले नेतृत्व गरेको सरकारको निर्वाचन घोषणाको विरुद्धको गठबन्धनले भोली थप आन्दोलनको घोषणा गर्ने भएको छ ।
सो गठबन्धनमा रहेका २७ दलले आज संयुक्त पत्रकार सम्मेलन गरेर भोली देखि सरकारको कदम विरुद्ध थप शसक्त आन्दोलन घोषणा गर्ने निर्णय गरेको जानकारी दिएको हो ।
दलहरुले मुलुकमा पुन सहमतिको राजनीति सुरु गरेर मुलुकलाई निकास दिने उदेश्यले सुरु भएको आन्दोलन प्रधानमन्त्री डा बाबुराम भट्टराईलाई पदमुक्त गरेर सहमतिको सरकार निर्माण गरेर अगाडि नबढ्दासम्म आन्दोलन जारी रहने स्पष्ट पारे ।
उनीहरुले आन्दोलनको मार्फतबाट सरकारको सत्ताकब्जा गर्ने रणनीतिको पर्दाफास गर्ने स्पष्ट पार्दै माओवादी  नियोजित रुपमा सत्ताकब्जा गर्ने चाल चलेको दावी गरे ।
पत्रकार सम्मेलनमा संविधानले अर्को संविधानसभाको निर्वाचनको परिकल्पना नगरेको भन्दै सरकारले संविधान र संविधानसभाको अनतिक्रम्य अधिकारको हनन गरेर  निर्वाचनको घोषणा गरेको आरोप लगाईयो ।
एमाले अध्यक्ष झलनाथ खनालले संविधानसभा फेरि पुर्नस्थापना  हुन नसक्ने भन्दै सहमतिको सरकार निर्माण भए पछि मात्रै विकल्पमा छलफल हुने बताए ।
काग्रेस सभापति सुशिल कोइरालाले आन्दोलनमार्फत गठबन्धनले सरकारको सत्ताकब्जाको राणनीतिको पर्दाफास गर्ने भन्दै सहकार्य, सहमतिको राजनीति स्थापना गर्न आन्दोलन गर्नु परेको बताए ।

प्रतिक्रिया
सम्बन्धित खवर

केदार मगर, खोटाङ । साकेला गाउँपालिका–५ मात्तिमविर्तालाई केन्द्रविन्दु बनाएर आइतबार गएको भूकम्पले हालसम्म जिल्लाभर दुई विद्यालय भवन, एक प्रहरी चौकी

म्याग्दी । म्याग्दीका पौढ महिलाहरूले बुढ्यौलीमा माध्यमिक शिक्षा परीक्षा (एसइई) उत्तीर्ण गरेर पढाइलाई उमेरले नछेक्ने भनाइलाई चरितार्थ गर्नुभएको छ ।

नवलपुर । पूर्वपश्चिम राजमार्गअन्तर्गत नवलपरासी (बर्दघाट–सुस्तापूर्व)को दाउन्नेमा यात्रुबाहक बसमा आगलागी हुँदा ३३ यात्रु घाइते भएका छन् । आज बिहान साढे

काठमाडौं । जापानका पूर्वप्रधानमन्त्री सिन्जो आबेमाथि शुक्रबार बिहान नारा सहरमा आक्रमण भएको छ । सभालाई सम्बोधन गर्ने क्रममा उनीमाथि गोली प्रहार