एमालेका संस्थापक नेता राधाकृष्ण मैनाली घर फर्किए

१७ फाल्गुन २०७१, आईतवार २२:०८ मा प्रकाशित

काठमाडौ, १७ फागुन । राधाकृष्ण मैनाली आफुले स्थापना गरेको पार्टी नेकपा एमालेको केन्द्रीय कमिटी सदस्यमा मनोनित भएका छन् । संगै संघीय समाजवादी छाडेर एमालेमा प्रवेश गरेका विजय सुब्बा पनि केन्द्रीय कमिटीमा मनोनित भएका छन् । एमालेको आइतबार बसेको स्थायी कमिटी बैठकले मैनाली र सुब्बालाई केन्द्रीय सदस्यमा मनोनित गरेको हो । मैनाली नेकपा एमालेका संस्थापक नेता हुन् । उनी एमालेको स्थायी कमिटी सदस्य भएकै बेला ०५९ सालमा तत्कालीन राजाको समर्थन गरेको अभियोगमा एमालेले पार्टीको साधारण सदस्यबाट समेत हटाएको थियो । त्यसपछि मैनाली पूर्वराजा नेतृत्वको मन्त्रिपरिषदमा मन्त्री बनेका थिए । गणतन्त्र स्थापनापछि मैनाली एमाओवादीमा प्रवेश गरेका थिए । त्यस्तै संघीय समाजवादी छाडेर फर्किएका बिजय सुब्बालाई पनि केन्द्रीय सदस्यमा मनोनित गरिएको एमालेले जनाएको छ । सुब्बा संघीय समाजवादीको बरिष्ठ उपाध्यक्ष छाडेर गत साउनमा एमालेमा प्रवेश गरेका थिए । अन्य पार्टीबाट एकीकरण हुने २० प्रतिशत सदस्यको कोटामा दुई नेता मनोनित भएका हुन् । यी दुईजनाको मनोनयनसँगै एमाले केन्द्रीय कमिटीको संख्या १ सय ७३ पुगेको छ । मैनाली र सुब्बालाई क्रमशः स्थायी समिति र पोलिटब्यूरो सदस्य बनाउने सम्भावना रहेको स्रोतले जनाएको छ ।

प्रतिक्रिया
सम्बन्धित खवर

देशभर पछिल्लो २४ घण्टामा थप चार हजार ९६१ जनामा कोरोना सङ्क्रमण पुष्टि भएको छ । यो सङ्ख्या शनिबार देखिएको नयाँ

काठमाडौं । संघीय संसद्अन्तर्गत प्रतिनिधिसभाको बैठक आगामी १६ माघमा बोलाइएको छ । यसअघि ३ माघमा बस्ने गरी बोलाइएको बैठक कोभिड

जुम्ला । जुम्लामा सञ्चालित सहकारीले ठगिगरेका पाइएको छ । सहकारीका नाममा बचत उठाएर सम्पर्कविहीन भएपछि जुम्लाका नागरिक ठगिएका हुन् ।

नेपाल सरकारले महाकाली नदीपूर्वका लिम्पियाधुरा, कालापानी र लिपुलेकका सम्बन्धमा आफ्नो धारणा सार्वजनिक गरेको छ । सञ्चार तथा सूचना प्रविधि मन्त्रालयमा