कीर्तिमानी तेक्वान्दो खेलाडी संगीना बैद्यलाई सरकारले १५ लाख दिने

१४ फाल्गुन २०७१, बिहीबार २२:३५ मा प्रकाशित

काठमाडौं, १४ फागुन । कीर्तिमानी तेक्वान्दो खेलाडी संगीना बैद्यलाई सरकारले १५ लाख रुपैयाँबाट पुरस्कृत गर्ने भएको छ । युवा तथा खेलकुद मन्त्रि पुरुषोत्तम पौडैलले दिएको जानकारी अनुसार सरकारले बैद्यलाई १५ लाख रुपैयाँबाट पुरस्कृत गर्ने भएको हो ।

यसअघि सरकारले कीर्तिमानी धावनक बैकुण्ठ मानन्धर र तेक्वान्दोका कीर्तिमान खेलाडी दिपक विष्टलाई जनही २५ लाख रुपैयाँ दिएको थियो । बैकुण्ठ र दिपक नेपालबाट दक्षिण एसियाली खेलकुदमा लगातार तीन पल्ट स्वर्ण पदक जित्ने खेलाडी हुन् ।
संगीनाले तेक्वान्दो खेलको विकासमा गरेको योगदानलाई कदर गदै सरकारले पुस्कृत गर्ने निर्णय गरिएको मन्त्री पौडेलले बताए ।

 संगीना नेपाली खेलकुदमा ओलम्पिकको छनोट चरण पार गर्ने पहिलो खेलाडी हुन् । सन् २००४ को एथेन्स ओलम्पिकमा छनोट चरण पार गरेकी संगीनाले सन् १९९६ को एसियन तेक्वान्दो च्याम्पियनसिपमा स्वर्ण जित्न सफल भएकी थिइन ।

२०६६ सालमा खेल जीवनबाट सन्यास लिएकी संगीनाले सन् १९९९ र सन् २००४ दक्षिण एसियाली खेलकुदमा नेपाललाई स्वर्ण दिलाएकी थिइन ।
सरकारको निर्णयबाट संगीनाले खुसी भएको बताइन । उनले भनिन, ‘ओलम्पिक खेलेको १० वर्षपछि पनि सम्मान पाउँदा खुसी छु । यसले नयाँ खेलाडी अझ महिला खेलाडीलाई खेलमा लाग्न प्रोत्साहन दिन्छ । सम्मान गर्ने निर्णय गरेकोमा सरकारलाई धन्यावाद ।’

फागुन २४ गते नारी दिवसको अवसरमा संगीना सँगै दक्षिण एसियाली महिला साफ च्याम्पियनसिप र प्रथम दक्षिण एसियाली आमन्त्रित महिला भलिबलमा रजत पदक जित्ने टोलीलाई सम्मान गरिने मन्त्री पौडेलले बताए ।
फुटबल र महिला टोलीलाई जनही २५ हजार रुपैयाँ र एसियन साम्बो बिच च्याम्पियनसिपमा कास्य जित्ने भगवती माझीलाई सरकारले १ लाख दिने निर्णय यसअघि नै गरिसकेको छ । भगवती पनि पनि सोही कार्यक्रममा पुरस्कृत हुने बताइएको छ ।

प्रतिक्रिया
सम्बन्धित खवर

काठमाडौं।उपत्यकाको सुरक्षा केन्द्र सरकार मातहत राख्ने विषयमा दलहरू विभाजित भएका छन् । सिंहदरवारस्थित राज्य व्यवस्था तथा सुशासन समितिको सभाकक्षा सोमबार भएको

काठमाडौं । आईसीसी विश्वकप लिग २ अघि आज  नेपाल र  क्यानडा एकदिवसीय क्रिकेट खेल खेल्दै छन् । खेल नेपाली समयअनुसार राति पौने

झापा । पूर्वी नाका काँकडभिट्टा भएर कृषिजन्य वस्तुको निर्यातभन्दा आयात वढी भएको छ । चालु आर्थिक वर्षको ११ महिनामा सो

काठमाडौँ । भारतसँगको पाँचौँं तथा अन्तिम टेस्ट खेलमा घरेलु टोली इङ्ल्याण्डले उत्कृष्ट प्रदर्शन गरेको छ । चौथो दिनको समाप्तिमा ३७८