गभर्नर नियुक्त गर्न समिति गठन

१२ फाल्गुन २०७१, मंगलवार २३:०० मा प्रकाशित

काठमाडौँ, १२ फागुन । सरकारले नेपाल राष्ट्र बैँकको गभर्नरको नियुक्तिका लागि सिफारिस गर्न समिति गठन गरेको छ ।
मन्त्रिपरिषद्को मंगलबार बसेको बैठकले अर्थमन्त्री डा. रामशरण महतको अध्यक्षता समिति गठन गरेको हो ।
सञ्चारमन्त्री डा. मीनेन्द्र रिजालले समितिको सदस्यहरुमा हिमालयशमशेर जबरा र डा. पार्थिवेश्वर तिमल्सिना रहनुभएको जानकारी दिनुभयो ।
यसैगरी, बैठकले नेपाली सेना उपरथी राजेन्द्र क्षेत्रीलाई रथीमा बढुवा गर्ने निर्णय गरेको छ । रथी क्षेत्रीलाई भावी प्रधानसेनापति बन्न बाटो खुलेको छ । उहाँ आगामी वर्ष भदौं महिनामा नेपाली सेनाको प्रधानसेनापति बन्ने सम्भावना बढेको छ ।
नेपाली सेनाको प्राविधिक उपरथी पदमा योगेन्द्रबहादुर खाणलाई पदोन्नति गरी विकास निर्माण तथा स्थपति महानिर्देशनालयमा र सहायक रथी (प्राविधिक)मा कमालसिंह प्रधानलाई बढुवा गरी स्थपति महानिर्देशनालयमा पदस्थापना गर्ने निर्णय गरेको छ ।
त्यस्तै, मंगलबार बसेको बैठकले नेपाल कानुन आयोगको रिक्त सदस्य पदमा अधिवक्ता दुर्गाप्रसाद अर्याल, बलबहादुर राई र विजया अर्याललाई, उदयपुर सिमेन्ट लिमिटेडको महाप्रवन्धक पदमा सुरेन्द्र पौडेललाई, राष्ट्रिय उत्पादकत्व तथा आर्थिक विकास केन्द्रको महाप्रवन्धक पदमा अन्जना ताम्राकारलाई, खुला विश्वविद्यालय पूर्वाधार विकास समितिको कार्यकारी निर्देशकमा राजेश अग्रवाललाई, पिछडिएको समुदाय उत्थान विकास समितिको उपाध्यक्षमा रामचन्द्रप्रसाद कोइरी र सदस्यमा निजामुद्दिन अन्सारीलाई तथा उच्चस्तरीय प्रशासन सुधार सुझाव कार्यान्वयन अनुगमन समितिको अध्यक्षमा काशीराज दाहाललाई नियुक्ति गर्ने निर्णय गरेको छ ।
साथै, नेपाल संगीत नाट्य प्रज्ञा प्रतिष्ठानका पूर्व कुलपति तथा राष्ट्रिय गानका संंगीतकार अम्बर गुरुङको स्वास्थ्योपचार खर्च नेपाल सरकारले व्यहोर्ने निर्णय गरिएको छ ।

प्रतिक्रिया
सम्बन्धित खवर

काठमाडौँ । चालु आर्थिक वर्ष सकिन अब १६ दिन बाँकी छ । सरकारले चालु आवमा रु तीन खर्ब ७८ अर्ब नौ

बेइजिङ् । रूस–युक्रेन युद्धले चीनको महात्वाकांक्षी परियोजना बिआरआई मध्य तथा पूर्वी युरोपेली देशहरूमा नराम्ररी प्रभावित भएको छ । युक्रेनमा जारी

काठमाडौँ । नेपाल राष्ट्र बैंकले आज (बिहीबार) का लागि विदेशी मुद्राको विनिमय दर निर्धारण गरेको छ । जस अनुसार भारतीय

‘असारै खाउला दुधिलो मकै, साउने खाउला खिर, घरमा छैन शितलु वचन, मनमा छैन थिर । छुपुमा छुपु खेतमै रोपु, हातको