काँग्रेसको कारबाही फुकुवा गर्ने निर्णय

११ फाल्गुन २०७१, सोमबार २१:३९ मा प्रकाशित

काठमाडौं, ११ फागुन । कांग्रेस केन्द्रीय कार्य समितिको बैठकले दोस्रो संविधानसभा सदस्यको निर्वाचनमा बागी उम्मेदवार नबनेका, प्रस्तावक र समर्थक नबसेका नेताहरुको कारबाही फुकुवा गर्ने निर्णय गरेको छ । कांग्रेसको यो निर्णयसंगै पार्टीको आगामी भदौ महिनामा हुने १३ औं महाधिवेशनका लागि क्रियाशील सदस्यता नवीकरण गर्न र उम्मेदवार बन्न पर्टीका धेरै नेतालाई बाटो खुला भएको छ । बैठक फागुन १३ गते बिहान ८ बजे पुनः बस्ने गरी स्थगित भएको छ । कांग्रेस सहमहामन्त्री पूर्णबहादुर खड्काले संचार माध्यामलाई दिएको जानकारी अनुसार पार्टीको विभिन्न तहका पदमा उम्मेदवारी बन्न नपाउने गरी लगाइएको बन्देज आदि फुकुवा गरी निजहरुको क्रियाशील सदस्यता निरन्तर रहने गरी नवीकरण गराउने निर्णय भएको छ । फुकुवा भएकाहरुले तेर्हौ महाधिवेशनको प्रक्रियामा हुने पार्टीका सबै तहका निर्वाचनमा भाग लिन पाउनेछन् । प्रधानमन्त्रीसमेत रहेका  सभापति सुशील कोइरालाको अध्यक्षतामा प्रधानमन्त्री निवास, बालुवाटारमा बसेको बैठकले नेपाली कांग्रेस केन्द्रीय अनुशासन समितिको कारबाहीमा परी विभिन्न सजाय पाएका र त्यसउपर केन्द्रीय कार्यसमितिमा पुनरावेदन गर्ने व्यक्तिहरुमध्ये केही नेताहरुको सजाय फुकुवा गर्ने निर्णय गरेको हो ।

प्रतिक्रिया
सम्बन्धित खवर

‘महिलाको सुरक्षा, सम्मान र रोजगारः समृद्ध नेपालको आधार’ भन्ने नाराका साथ आज अन्तर्राष्ट्रिय महिला दिवस विविध कार्यक्रम गरी मनाइदै छ

काठमाडौ । प्रतिनिधिसभाको बैठकमा संवैधानिक परिषदसम्बन्धी अध्यादेश जबर्जस्ती पेश गरिएको भन्दै प्रमुख प्रतिपक्ष नेपाली काँग्रेसले बैठक कक्षमा नाराबाजी गरेको छ

काठमाडौं । कोभिड–१९ बाट विदेशमा यस साता थप दुई नेपालीको निधन भएको छ । गैरआवासीय नेपाली सङ्घअन्तर्गतको स्वास्थ्य समितिका संयोजक

काठमाडौं । नेकपा संसदीय दलको नेताबाट केपी ओलीलाई हटाएर पुष्पकमल दाहाललाई चयन गरिएको पत्र संसद सचिवालयले दर्ता गर्न अस्वीकार गरेको