समयमै पाठ्यपुस्तक उपलब्ध गराउन निर्देशन

४ फाल्गुन २०७१, सोमबार २१:५१ मा प्रकाशित

काठमाडौँ, ४ फागुन । अख्तियार दुरुपयोग अनुसन्धान आयोगले नयाँ शैक्षिक सत्र सुरु हुनुपूर्व पाठ्यपुस्तक पु¥याउन शिक्षा मन्त्रालयलाई निर्देशन दिएको छ ।

आयोगले आज आफ्नै कार्यालयमा सो मन्त्रालयका उच्च अधिकृतसँग गरेको छलफलमा हिमाली जिल्ला तथा कर्णाली अञ्चलका जिल्लामा नयाँ शैक्षिक सत्र सुरु हुँदासम्म पाठ्यपुस्तक उपलब्ध नभएकामा आपत्ति प्रकट गर्दै तत्काल पाठ्यपुस्तक उपलब्ध गराउन निर्देश ग¥यो ।

मन्त्रालयका उच्च अधिकारीले भने हिमाली तथा कर्णाली अञ्चलका जिल्ला सदरमुकामहरुमा पाठ्यपुस्तक उपलब्ध भइसकेको भए पनि वितरण नभएकाले केही दिनभित्रै सम्बन्धित विद्यालयमा पुग्ने जिकिर गरेका छन् ।
उनन्सत्तरी जिल्लामा चैत २० गतेभित्र पाठ्यपुस्तक
नयाँ वर्षदेखि सुरु हुने अन्य जिल्लाको शैक्षिक सत्रका लागि ६९ जिल्लामा आगामी चैत २० गतेभित्र पाठ्यपुस्तक उपलब्ध हुने भएको छ । नयाँ शैक्षिक सत्र सुरु भइसकेपछि पनि विद्यार्थीले पाठ्यपुस्तक उपलब्ध गराउन नसकेकाले मन्त्रालय र जनक शिक्षा सामग्री केन्द्रप्रति चर्को आलोचना हुँदै आएको थियो ।

विद्यार्थी, अभिभावक सङ्घ तथा विद्यार्थी सङ्घसङ्गठनले सरकारले आफ्नो जिम्मेवारी पूरा नगरेको भन्दै आलोचना गरेपछि आयोगले आज छलफल गरी समस्या समाधान गर्न निर्देश गरेको हो । यस्तै आयोगले समयमा नै विद्यार्थीले पाठ्यपुस्तक प्राप्त गर्ने सुनिश्चितताका लागि मन्त्रालयले आयोगमा पेस गरेको कार्ययोजनाबमोजिम भए नभएको सम्बन्धमा निरन्तर अनुगमन गर्ने भएको छ ।

मन्त्रालयका प्रवक्ता हरि लम्सालले आयोगको निर्देशनलाई अक्षरशः कार्यान्वयन गर्न मन्त्रालय तयार रहेको बताउनुभयो । उहाँले केही जिल्लामा समस्या आएको भए पनि धेरै जसो जिल्लामा पाठ्यपुस्तक पुगिसकेको जिकिर गर्दै केही दिनभित्रै वितरण हुने र विद्यार्थीले समयमा नै पाठ्यपुस्तक प्राप्त गर्ने बताउनुभयो ।

प्रतिक्रिया
सम्बन्धित खवर

काठमाडौं।निर्वाचन घोषणाको सवालमा सत्तारूढ गठबन्धन संविधान र कानूनको परिपालना भन्दा पनि बढी नाफा र घाटाको जोडघटाउमा लागेको छ । कानून

दाङ। कोरोना भाइरसको संक्रमणबाट बच्नका लागि दाङमा अग्रपंक्तिमा रहेर काम गर्नेहरूलाई खोप दिन थालिएको छ । स्वास्थ्यकर्मी, सपाइकर्मी, सुरक्षाकर्मी र सञ्चारकर्मीलाई

सुर्खेत। कर्णालीका मुख्यमन्त्री जीवनबहादुर शाहीले आफ्नो सम्पत्ति विवरण सार्वजनिक गरेका छन् । मुख्यमन्त्री भएको करिब चार महिनापछि आफ्नो सम्पत्ति विवरण सार्वजनिक

दाङ। कोरोना संक्रमण दर बढ्दै जाँदा नागरिक स्तरबाट भने स्वास्थ्य सुरक्षा मापदण्ड पालनामा गम्भीर लापर्वाही देखिएको छ । स्वास्थ्य क्षेत्रका जानकारहरूले कोरोना संक्रमणबाट