जुँगाको लडाइँले सहमति भएन: नेता नेपाल

२७ माघ २०७१, मंगलवार २०:५७ मा प्रकाशित

बुटवल,२७ माघ । नेकपा (एमाले)का नेता तथा पूर्व प्रधानमन्त्री माधवकुमार नेपालले जुँगाको लडाइँ र प्रतिष्ठाका कारण सहमति बन्न नसकेको र संविधान पनि ल्याउन नसकेको बताएका छन् ।

सहमतिकै नाममा एक वर्षको समय खेर गएको बताउँदै उनले संविधान निर्माणका लागि नेपाली काँग्रेस र नेकपा एमाले सकारात्मक भए पनि एमाओवादीसहितका दलहरुको मानसिकता उदार नदेखिएको उल्लेख गरे ।

आज जीवराज आश्रित स्मृति प्रतिष्ठान बुटवलको साधारणसभामा बोल्दै एमाले नेता नेपालले संविधान निर्माणका लागि सहमतिको अधिकतम प्रयास गर्दागर्दै पनि प्रक्रियामा अगाडि बढ्दा अर्को चक्रब्यूहमा फसेको विश्लेषण गरे ।  “सहमतिका लागि सबै पक्षको उत्सुकता र आतुरता हुनुपर्ने हो,” उनले एमाओवादी र मधेसी दलतर्फ लक्ष्यित गर्दै प्रश्न गरे – “सहमतिका लागि कहिलेसम्म पर्खिने ?”

मुलुकको भौगोलिक विविधतालाई सम्पत्तिका रुपमा स्वीकार गर्नुपर्ने पनि उनले बताए । मानिसको फरकफरक स्थानमा फरकफरक पहिचान हुने भएकाले एकल जातीय पहिचानका आधारमा राज्यको विभाजन तथा नामकरण हुन नसक्ने उनको भनाइ थियो ।

प्रतिक्रिया
सम्बन्धित खवर

काठमाडौं । नेपाल कम्युनिष्ट पाटी (नेकपा) दाहाल–नेपाल समूहका दुईजना अध्यक्षले नेपाली कांग्रेसका सभापति शेरबहादुर देउवाको निवासमा पुगेर भेटवार्ता गरेका छन्

जाजरकोट । जुनिचाँदे गाउँपालिकाले पाँच सय बढी सुत्केरी महिलालाई तेल, कुखरा र न्यानो कपडा वितरण गरेको छ । सुत्केरी आमासँग

काठमाडौँ । सर्वोच्च अदालतले प्रतिनिधिसभा विघटन गर्ने सरकारको निर्णयविरुद्ध परेको रिट निवेदनको सुनुवाइपछि सो कदम असंवैधानिक भएको ठहर गर्दै पुनःस्थापना

काठमाडौं । नेपाली सेनाले सर्वोच्च अदालतबाट विघटित प्रतिनिधिसभा पुनःस्थापनाको निर्णयसँगै उत्पन्न हुन सक्ने सुरक्षा चुनौती र परिस्थितिको सूक्ष्म अध्ययन र