अमेरिकी राजदूतको मध्यस्थतामा संवाद सुरु: प्रधानमन्त्रीले लिखित बक्तव्य जारी गर्दै

२५ माघ २०७१, आईतवार ०९:४८ मा प्रकाशित

काठमाडौं, २५ माघ । प्रधानमन्त्री सुशील कोइरालाले बिपक्षी मोर्चालाई सहमतिको आव्ह्वान गर्दै लिखित प्रतिबद्धता सहित वक्तव्य जारी गर्ने भएका छन् । संबिधान निर्माणको लागि आवश्यक राष्ट्रिय सहमतिको मार्ग प्रसस्त गर्न सत्तापक्ष र बिपक्षी मोर्चा बीच सहमतिको आव्ह्वान गर्दै प्रधानमन्त्रीले लिखित प्रतिबद्धता सहितको वक्तव्य जारी गर्ने भएका हुन् । सहमति र प्रक्रिया जोडेर आजै प्रधानमन्त्रीको लिखित जारी गर्न लागिएको प्रेस सल्लाहकार प्रकाश अधिकारीले जानकारी दिएका छन्। प्रधानमन्त्रीको लिखित प्रतिबद्धता पत्रमा विपक्षी मोर्चालाई आन्दोलन रोकेर संवादमा र्फकन आहवान सहित सत्तापक्षका तर्फबाट केही प्रतिवद्धता समेत जनाइएको छ ।

माघ ११ गते सभाध्यक्ष सुवासचन्द्र नेम्वांगले प्रस्ताव समिति बनाएपछि सत्ता र प्रतिपक्षबीच उत्पन्न टकराभलाई सहजीकरण गर्दै संबिधान निर्माण प्रक्रिया सुचारु गर्न अमेरिकी राजदूत पिटर डब्लू बोडीले मध्यस्थता गर्दै सक्रिय पहल गरे पछि प्रधानमन्त्री कोइराला लिखित प्रतिवद्धता सहित बक्तव्य जारी गर्न राजि भएका हुन् ।

राजदूत बोडीले बिहीबार बिहान एमाओवादी अध्यक्ष पुष्पकमल दाहाललाई उनकै निवासमा भेटी प्रधानमन्त्री सुशील कोइरालाले गरेको वार्ताको आह्वानलाई सकारात्मक रूपमा लिन आग्रह गरेका थिए । सम्भवत लिखित आजै सार्वजकि गरेर विपक्षी मोर्चालाई पठाइने स्रोतको दावी छ । सत्तापक्षले १२ बुँदे, विस्तृत शान्ति सम्झौतालगायत सहमति, अन्तरिम संविधानको मर्मअनुरूप नै सहमतिमा संविधान जारी गर्ने लिखित प्रतिबद्धता जनाए वार्तामा बस्न सकिने एमाओवादीसहितको विपक्षी मोर्चाको जनाउपछि प्रधानमन्त्री लिखित आहवान गर्ने निष्कर्षमा पुगेका हुन् । प्रधानमन्त्री कार्यालयका अनुसार लिखित वक्तव्यको बेहोरा कस्तो भए विपक्षी मोर्चा वार्तामा आउन सक्छ भन्ने विषयमा कोइरालाले एमाओवादी अध्यक्ष पुष्पकमल दाहाललगायतसँग राजदुत बोडी मार्फत परामर्श गरिरहेका छन ।

प्रतिक्रिया
सम्बन्धित खवर

निर्वाचन आयोगले मंसिर २ गते संघीय तथा प्रदेश प्रतिनिधिसभाको निर्वाचन गर्न सरकारलाई सुझाव दिने भएको छ । आयोग स्रोतकाअनुसार बुधबार

काठमाडौँ ।सरकारले प्रतिनिधिसभामा रहेको नागरिकता विधेयक फिर्ता लिने निर्णय गरेको छ । मन्त्रिपरिषद्को मंगलबार बसेको बेठकले नागरिकता विधेयक फिर्ता लिने

काठमाडौं। नेपाली कांग्रेसबाट सरकारमा प्रतिनिधित्व गर्ने मन्त्रीहरुले अर्थमन्त्री जनार्दन शर्माको राजीनामा मागेका छन्। मंगलबार दिउँसो प्रधानमन्त्री तथा मन्त्रिपरिषद्‌को कार्यालयमा बसेको

काठमाडौँ । नेपाली काँग्रेसका प्रवक्ता प्रकाशशरण महतले अर्थमन्त्री प्रकरण प्रधानमन्त्री शेरबहादुर देउवाले पनि नजिकबाट निगरानी गरिरहेको बताएका छन् । मंगलबार

आजको प्रमुख समाचार