ओमानमा ७ महिनादेखि अलपत्र शव नेपाल आउँदै

२४ जेष्ठ २०६९, बुधबार १३:१४ मा प्रकाशित

काठमाडौ, २४ जेठ । खाडी मुलुक ओमानमा ७ महिना अगाडि मृत्यु भएकी लमजुङ वेनीकी चन्द्रा परियारको शव नेपाल आउने भएको छ । अर्काको पासपोर्टमा नाम परिवर्तन गरी घरेलु कामदारका रुपमा मधुदेवी खड्का वनेर ओमानको सललमा पुगेकी परियारको शव नेपाल पठाउन लामो समय लागेको हो । अर्कोतर्फ परियारको आफन्त समयमा नभेटिनु र परिवारको आर्थिक अवस्था कमजोर भएको कारण ढिलाई भएको हो ।
एनआरएन ओमान र साउदी स्थित नेपालीको अथक प्रयास पछि परियारको शव नेपाल केही दिनमा आउन लागेको छ । मृतकका भदा जुगमान परियार र जेठाजु अमर परियार शव लिनलाई इच्छुक भएपछि उनको शव नेपाल आउन लागेको एनआरएन ओमानका उपाध्यक्ष दिपक श्रेष्ठले जानकारी दिए ।
परियारको स्पोन्सरले साउदी रियाल १ हजार ५५ साउदीस्थित नेपाली दूतावासमा काजक्रियाका लागि पठाइसकिएको  छ । हाउसमेडमा काम गर्न जानेहरुको कुनै पनि इन्स्योरेन्स नहुने हुँदा अन्य पैसा संकलनमा ओमानमा कार्यरत नेपालीहरु जुटेर केही जम्मा गरि पठाउने पनि भएका छन् ।
यता मृतक परियारका आफन्त जुगमान अहिले काठमाडौंमा आएका छन् । उनी भन्छन्–‘ शव लिन त आइयो तर अन्त्येष्टि गर्ने कुनै पैसा छैन ।’ आर्थिक अभाव हुँदा धेरै समस्या भएको उनले जनाए । सरकारी प्रकृया विपरित ओमान गएको हँदा परियारलाई सरकारी पैसा उपलव्ध गराउन नसक्ने देखिन्छ । उता ओमानमा कार्यरत नेपालीहरु केही पैसा संकलन गरेर पठाउन जुटिरहेको ओमानवाट एनआरएनले जानकारी दिएको छ ।
यसरी गैरकानूनी वाटो हुँदै विदेश गएको खण्डमा धेरै असहज हुने गरेको छ । अर्कोतर्फ ओमानमा नेपाली दूतावास नहुनु अर्को विडम्वना हो । यसरी समस्यामा परेका नेपालीहरुको लागि नेपाल सरकारले पनि केही कोष खडा गर्न जरुरी छ ताकी पैसा नभएको कोही अड्किन् नपरोस् ।

प्रतिक्रिया
सम्बन्धित खवर

काठमाडौं । बेलायतको लिड्स विश्वविद्यालयमा प्राध्यापक रहनुभएका डा सूर्यप्रसाद सुवेदीलाई अन्तर्राष्ट्रिय प्रकृति संरक्षण सङ्घले कानुनी सल्लाहकारमा नियुक्ति गरेको छ ।

काठमाडौं । सामाजिक अभियानकर्मी डा विष्णुमाया परियारका बारेमा विश्वव्यापी कलेजका पाठ्यपुस्तकमा पढाइ हुने भएको छ । अमेरिकी प्रकाशक म्याकग्रो हिलले

लण्डन । बेलायतमा लामो समयदेखि बस्दै आउनुभएकी कवयित्री प्रतिभा केसी यस वर्ष अनेसास सुप्रमा इप्रमा पुरस्कारबाट सम्मानित हुनुभएको छ ।

लन्डन । नेपाल पत्रकार महासङ्घ (एफएनजे) युके शाखाले एक समारोहबीच पत्रकार श्रीभक्त खनाललाई यस वर्षको ‘एफएनजे युके वर्ष पत्रकारिता पुरस्कार’

आजको प्रमुख समाचार